სამზარეულოს დიზაინი

დღეს მინდა წარმოგიდგინოთ კომპანია Neptune-ს სამზარეულო და სასადილო ოთახების ახალი კოლექცია.

სამზარეულო და სასადილო ოთახები დიზაინის ორი სტილის – კლასიკურისა და ქანთრის ნაზავია.

“ნეპტუნის” კოლექცია, ტრადიციულად, ღია, მშვიდ ფერებშია გადაწყვეტილი და სადა, მაგრამ ფუნქციური სამზარეულოს მოყვარულებისთვისაა განკუთვნილი.

კომპანია “ნეპტუნი” 1996 წელს დაფუძნდა ინგლისის სამხრეთ-აღმოსავლეთში, პატარა ფერმის ტერიტორიაზე, სადაც რამდენიმე ენთუზიასტი ავეჯსა და დეკორის ელემენტებს საკუთარი ესკიზებით თავადვე ამზადებდა. მას შემდეგ თანამშრომელთა რიცხვი ასამდე გაიზარდა, თუმცა მუშაობის პრინციპი – კრეატიულობა, გუნდურობა და მონდომება კომპანიისთვის ისევ პრიორიტეტულია.

დიზაინის სტუდიამ Morten & Jonas კომპანია Northern Lighting-ის შეკვეთით შექმნა მაგიდის სანათის საინტერესო პროექტი, რომელსაც Bake me a cake (გამომიცხვე ტორტი) ჰქვია 😉 😉

მუხის ხის მასალისა და ტონიზებული შუშისაგან დამზადებული სანათი, რომელიც ფორმით ტორტს წააგავს, სამზარეულო და სასადილო ოთახებისთვისაა განკუთვნილი.

სხვათა შორის, სანათის დიზაინის პროექტი Morten & Jonas-ის დიზაინერებმა პატიმრებთან ერთად შექმნეს, რომლებიც ნორვეგიის ერთ-ერთ ციხეში იხდიან სასჯელს, ხოლო თავად სანათი არა რომელიმე სპეციალიზებულ ქარხანაში, არამედ ისევ და ისევ ციხეში დამზადდა – რა თქმა უნდა, ხარისხის მკაცრი კონტროლით.