დიზაინის სტუდიამ Morten & Jonas კომპანია Northern Lighting-ის შეკვეთით შექმნა მაგიდის სანათის საინტერესო პროექტი, რომელსაც Bake me a cake (გამომიცხვე ტორტი) ჰქვია 😉 😉
მუხის ხის მასალისა და ტონიზებული შუშისაგან დამზადებული სანათი, რომელიც ფორმით ტორტს წააგავს, სამზარეულო და სასადილო ოთახებისთვისაა განკუთვნილი.
სხვათა შორის, სანათის დიზაინის პროექტი Morten & Jonas-ის დიზაინერებმა პატიმრებთან ერთად შექმნეს, რომლებიც ნორვეგიის ერთ-ერთ ციხეში იხდიან სასჯელს, ხოლო თავად სანათი არა რომელიმე სპეციალიზებულ ქარხანაში, არამედ ისევ და ისევ ციხეში დამზადდა – რა თქმა უნდა, ხარისხის მკაცრი კონტროლით.
რესტორანი Dabbous, რომელიც დღეისათვის მეტად პოპულარულ ინდუსტრიულ სტილშია მოწყობილი, ლონდონში 2012 წელს გაიხსნა.
რესტორნის ინტერიერის დიზაინის პროექტი ეკუთვნის სტუდია Brinkworth-ის დიზაინერებს, რომლებმაც უპირატესობა სადა, თავდაჭერილ, მაგრამ ამავდროულად დიდებულ სტილს მიანიჭეს.
რესტორნის ინტერიერი გაფორმებულია უჟანგავი მავთულის ბადეებით,ფოლადის, დეკორატიული შუშისა და ბეტონის ელემენტებით, ხოლო ავეჯი ნატურალური ხისა და შავი ტყავისგანაა დამზადებული.
რესტორნის მფლობელმა თავიდანვე უარი თქვა დეკორის ნივთების გამოყენებაზე. რესტორნის გახსნილი სივრცის მთავარი და ერთადერთი აქსესუარი უჩვეულო შუშის სანათებია.
Friday Kitchen 