Category Archives: სხვადასხვა

საახალწლო სუფრის დეკორი 2014 წლისთვის

დამდეგი 2014 წლის სიმბოლო ლურჯი ხის ცხენია. ის შემოქმედებითი ნატურაა, ამიტომაც საახალწლო სუფრის სერვირებისას არაორდინალურ, შემოქმედებით ხერხებს უნდა მიმართოთ. ეს დღე თქვენი დეკორატორის ნიჭის წარმოჩენის შესანიშნავი საშუალებაა.

new-year-table-decor-1სუფრის დეკორი უნდა გაკეთდეს თეთრ, ცისფერ, ლურჯ და ვერცხლისფერ ტონებში, რადგან წლის სიმბოლოს ფერი ლურჯია. მაგიდის გადასაფარებელი ღია, პასტელის ტონებში უნდა იყოს, თეფშები კი ლურჯი ან მწვანე, მხოლოდ აუცილებლად ნახატებით, რათა მოსაწყენად არ გამოიყურებოდეს. ხელსახოცები და მისი რგოლები თეფშების ფერის კონტრასტული უნდა იყოს, მაგალითად თეთრი ვერცხლისფერი რგოლებით.

new-year-table-decor-2თუ სუფრის გაფორმებისთვის ერთ საბაზისო ფერს აირჩევთ, სადღესასწაულო დეკორი მონოქრომული და ცოტა მკაცრი გამოგივათ, ამიტომ აჯობებს სუფრა რამდენიმე ფერში, მაგალთად თეთრ, ცისფერ და ლურჯ ფერებში გააფორმოთ. საახალწლო სერვირების მთავარი წესი ასეთია: დეკორის ელემენტები, ჭურჭელი, ტექსტილი ფერის ერთ გამაში უნდა იყოს გადაწყვეტილი. ფერები ერთმანეთს უნდა ეხმიანებოდეს. საკმარისია, თუ სუფრის მორთულობა სამ ძირითად ფერსა და მათ რამდენიმე ტონალობაში იქნება გადაწყვეტილი.

მნიშვნელოვანია სუფრის ცენტალური ფიგურის შერჩევა – ეს შეიძლება იყოს ნაძვის ტოტების ლამაზი თაიგული, ცოცხალი ყვავილები ან სულაც წლის სიმბოლოს პატივსაცემად ცოცხალი მწვანილის, შვრიის ორცხობილის, შაქრისა და სტაფილოს ლამაზი კომბინაცია.

საყვარელი დღესასწაულისთვის სუფრის მზადებისას კარგი განწყობა აუცილებელი პირობაა. ლამაზად გაწყობილი საახალწლო სუფრით თქვენს სტუმრებს არა მხოლოდ სიამოვნებას მიანიჭებთ, არამედ თქვენი დახვეწილი გემოვნების, გამომგონებლობისა და ფანტაზიის დემონსტრირებასაც მოახდენთ. ნაძვის მწვანე ტოტები, საახალწლო სანთლები, მძივები, ნაძვის ხის სათამაშოები, საკუთარი ხელით გამოჭრილი ფიფქები – საახალწლო სუფრის კომპოზიციის შესაქმნელად ყველაფერი გამოგადგებათ.

new-year-table-decor-5სუფრა – მაგიდის სერვირება სუფრით იწყება. თეთრი აბრეშუმის სუფრა ძალიან სადღესასწაულოდ გამოიყურება, თუმცა შეგიძლიათ ძირითად სუფრას მეორე, შედარებით პატარა, იგივე ფერის მოქარგული სუფრა გადააფაროთ. ამას გარდა, შესაძლებელია მაგიდაზე კანფეტებისა და ოქროსფერი ან ვერცხლისფერი ვარსკვლავების, ფოტოკოლაჟის ან ხასხასა აბრეშუმის ხელსახოცების გამოყენებით კომპოზიციები შექმნათ.

ხელსახოცები – საახალწლო სუფრას ნაჭრისგან გაკეთებული ხელსახოცები უხდება. ისინი აუცილებლად უნდა ეხამებოდეს სუფრას – იყოს იგივე ან კონტრასტულ ფერში. სასურველია ხელსახოცების რგოლებიც გქონდეთ, თუმცა თუ მზა რგოლები ვერ იშოვეთ, საკუთარი ხელითაც შეძლებთ გაკეთებას – ააცვით მძივები ძაფზე, გამოიყენეთ სამაჯურები ან აბრეშუმის ლენტები.

ჭურჭელი – შეარჩიეთ სადღესასწაულო ჭურჭელი, სასურველია ერთსახოვანად მოხატული და გააფორმეთ ისინი საახალწლო რეკვიზიტებით: ნაძვის პაწია ტოტებით, ფიფქებით, ვარსკვლავებით და სანტა კლაუსებით.

თუ 2014 წლის მფარველ ცხენს ლამაზად გაწყობილ საახაწლო სუფრას დაახვედრებთ, ის ნასიამოვნები დარჩება და მთელი წლის განმავლობაში ზრუნვასა და მხარდაჭერას არ მოგაკლებთ, ამიტომ სუფრის დეკორირებას მთელი მზრუნველობით უნდა მიუდგეთ.

new-year-table-decor-7Friday ბედნიერ ახალ წელს გისურვებთ და გთავაზობთ საახაწლო სუფრის სერვირების რამდენიმე საინტერესო ნიმუშს სხვადასხვა ფერებში:

new-year-table-decor-6new-year-table-decor-8new-year-table-decor-9new-year-table-decor-10new-year-table-decor-11new-year-table-decor-12new-year-table-decor-13new-year-table-decor-14new-year-table-decor-15new-year-table-decor-16

ბროკოლისა და კარტოფილის სუპი სიმინდით

ინგრედიენტები:

  • 500 გ წითელი კარტოფილი;
  • 300 გ ბროკოლი;
  • 1 თავი ხახვი;
  • 400 გ არაჟანი;
  • 100 გ დარბილებული კარაქი;
  • 100 გ ყველი პარმეზანი;
  • 100 გ ტკბილი სიმინდი;
  • 30 გ მწვანე ქინძი;
  • მარილი.

მომზადება: 

წითელი კარტოფილი (სასურველია მცირე ზომის) გარეცხეთ, კარგად გახეხეთ, მოხარშეთ ნახევრად და წყალი გადაღვარეთ. 3 კარტოფილს გააცალეთ კანი, დანარჩენი დაჭერით საშუალო ზომის ნაჭრებად, გადაიტანეთ ქვაბში, დაამატეთ ორად გაჭრილი ხახვი და ხარშეთ კიდევ 10 წუთი საშუალო ტემპერატურაზე. ამის შემდეგ გაზქურა გამორთეთ, 3 კანგაცლილი კარტოფილი ამოიღეთ და მოამზადეთ პიურე, დაჭრილი კარტოფილი კი დატოვეთ ნახარშ წყალში.

არაჟანი და დარბილებული კარაქი ათქვიფეთ კოვზით და ჯერ 3 კარტოფილის პიურე შეურიეთ, შემდეგ კი კარტოფილის ნახარში წყლის ნაწილი და გახეხილი პარმეზანი. მიღებული მასა ნელ-ნელა დაასხით მოხარშულ დაჭრილ კარტოფილს, დაუმატეთ ბროკოლის დანაწევრებული ყვავილედები, კონსერვირებული ტკბილი სიმინდი, მარილი და წამოადუღეთ. ხარშეთ დაახლოებით 5-6 წუთი.

ბოლოს მოაყარეთ წვრილად დაჭრილი მწვანე ქინძი და გემრიელად მიირთვით!

10