ავეჯისა და დეკორის ნივთების ცნობილმა ფრანგულმა გალერეამ Maisons du Monde ვინტაჟური სამზარეულოების კოლექცია წარმოადგინა.
ხელოვნურად დაძველებული ფაქტურის მქონე ხის ავეჯი ლამაზ და მყუდრო გარემოს ქმნის. კოლექციაში წარმოდგენილი ხუთივე გარნიტური მუქი ლითონის დეტალებით არის გაფორმებული.
მიუხედავად იმისა, რომ სამზარეულოს ავეჯის დიზაინისთვის დახვეწილი ძველებური სტილია შერჩეული, გარნიტურები უახლესი საოჯახო ტექნიკით არის აღჭურვილი და სილამაზისა და ფუნქციურობის იდეალურ შერწყმას წარმოადგენს.
კომპანიამ Astros Studios მოდულური სამზარეულო აღჭურვილობა KitchenScape წარმოადგინა.
მოდულური სამზარეულო KitchenScape შედგება სამზარეულოს ტექნიკისა და მოწყობილობებისგან, რომლებიც ერთმანეთზე ფიქსირდება და პირველ რიგში, ნაკლებ სივრცეს იკავებს და მეორეც, ერთმანეთში გადახლართულ ათასნაირ კაბელს გამორიცხავს.
მოდულურ სამზარეულოში ყველა მოწყობილობა – ყავის მადუღარა, ტოსტერი, წვენსაწური და ჩაიდანი ერთმანეთს უერთდება. ელექტროობა ერთიდან მეორეში გადის, ასე რომ, ამ ოთხი საგნის ელექტროობაში შესაერთებლად მხოლოდ ერთი შტეფსელია საჭირო.
ამ ეტაპზე KitchenScape მხოლოდ კონცეფციაა, მაგრამ თუ Astros Studios-ს წარმატებულ ისტორიას გავითვალისწინებთ, მალე ამ პროექტის მასობრივი განხორციელებითაც დაინტერესდება ვინმე.
Astros Studios-ს სათავო ოფისი სან ფრანცისკოში მდებარეობს. მომავლის სამზარეულომდე კომპანიამ სათამაშო სისტემა Xbox 360 და მედიაფლეერი – Boxee Box-ის კონცეფციები შეიმუშავა.
Astros Studios-ს დევიზია: All missions possible.
კომპანიის ოფიციალური ვებსაიტია: astrostudios.com
Friday Kitchen 