Tag Archives: ჯანმრთელობა

ყველაფერი ყაბაყის შესახებ

ყაბაყი ძალიან სასარგებლო და დაბალკალორიული ბოსტნეულია გოგრისებრთა ოჯახიდან. ის მალე მზადდება, დიდხანს ინახება, მონელებაც იოლია და ჩვენს ფიგურასა და ჯანმრთელობაზეც კარგ მოქმედებას ახდენს.

Vegetable-marrow–4

ყაბაყის კალორიულობა

ყაბაყის კალორიულობა ყოველგვარ რეკორდს ხსნის. პროდუქტის 100 გრამში სულ რაღაც 23 კალორიაა! კვებითი ფასეულობის მიხედვით ახლოსაა კიტრთან, ბადრიჯანთან, ჭარხალთან და მწვანე ხახვთან. ამის გამო ყაბაყი არაჩვეულებრივი დიეტური პროდუქტია. მისი შემადგენლობის 94% წყალია და პრაქტიკულად არ შეიცავს ცხიმებს.

თუ ფიგურაზე ზრუნავთ, ყაბაყისგან დამზადებული საჭმელი თქვენთვის საუკეთესო გადაწყვეტილებაა. ამ პროდუქტისგან უამრავი დიეტური, სასარგებლო კერძის დამზადება შეიძლება, რომლებიც თქვენს ორგანიზმს ვიტამინებისა და მინერალების ყოველდღიურ მოთხოვნილებას დაუკმაყოფილებს. ყაბაყი დიდი ოდენობით C, B1, B2 ვიტამინებსა და კაროტინს შეიცავს. ის ასევე მდიდარია კალიუმით, ფოსფორით, კალციუმით, მაგნიუმით, რკინითა და გოგირდით. მის შემადგენლობაში შედის თუთია, ლითიუმი, ალუმინი, მოლიბდენი და მრავალი სხვა მიკროელემენტი.

Vegetable-marrow–2

ყაბაყის სარგებლიანობა

ყაბაყის შემადგენლობაში შემავალი უჯრედისის უზარმაზარი მარაგი დადებით ზემოქმედებას ახდენს საჭმლის მონელებასა და ნივთიერებათა ცვლაზე. კალიუმისა და ნატრიუმის მომგებიანი შეფარდება პროპორციით 150:1–ზე კარგად მოქმედებს წყლისა და მარილის ბალანსზე და ორგანიზმს ზედმეტი სითხის გამოდევნაში ეხმარება.

დიეტური და სამკურნალო მიზნებისთვის საუკეთესოა ოდნავ დამწიფებადაკლებული, პატარა ნაყოფის მოხარშვა მარილისა და ცხიმის გარეშე. მისი მირთმევა პირდაპირ, კანიანად შეიძლება. ასეთი საკვები ყველაზე სასარგებლო და დაბალკალორიულია. ასევე ძალიან სასარგებლო და ფიგურისთვის უსაფრთხოა მოშუშული ყაბაყი, შემწვარი კი უკვე 88 კალორიას შეიცავს.

Vegetable-marrow–1

ყაბაყს, დაბალი კალორიულობის წყალობით, ორგანიზმი ძალიან იოლად ინელებს, ამიტომაც ის რეკომენდებულია საბავშვო საკვებში გამოსაყენებლად, განტვირთვის დღეებში მისართმევად და ასევე კარგია დიაბეტით ან კუჭნაწლავის ტრაქტის ავადმყოფობებით დაავადებულებისთვის.

ინგლისური დიეტა

ცნობილია, რომ ნებისმიერი მკაცრი დიეტა ძლიერ დარტყმას აყენებს ორგანიზმს, რადგან ის რაციონის კალორიულობის მნიშვნელოვნად შემცირებაზეა გათვლილი. შედეგმა კი იმედიც შეიძლება გაგიცრუოთ, რადგან თუ დიეტის დასრულების შემდეგ ისეთივე ინტენსიურობით გააგრძელებთ საკვების მიღებას, წონის დაკლების ნაცვლად შეიძლება მეტი კილოგრამებიც შეიძინოთ.

ტრაგედიის შექმნა საჭირო არ არის, რადგან არსებობს ზედმეტი წონის მოშორების რამდენიმე ეფექტური მეთოდი, მათ შორისაა ინგლისური დიეტაც.

welsh burger english apple scales marc white

ინგლისური დიეტა მსუბუქი დიეტების რიცხვს ეკუთვნის. მისი მეშვეობით მოხდენილი სხეული ნელ–ნელა, მაგრამ ეფექტურად ფორმირდება. ამ დიეტის ხანგრძლივობა, ჩვეულებრივ, სამიდან ექვს თვემდეა, რაც წონის ინდივიდუალურ ზედმეტობაზეა დამოკიდებული. ინგლისური დიეტის დაცვით ცხოვრების ჩვეული წესიდან არenglish-diet-ამოვარდებით, რადგან ის რაციონს სულ უმნიშვნელოდ შეგიმცირებთ.

პირველ კილოგრამებს ძალიან იოლად მოიკლებთ, სირთულეები შეიძლება იდეალური წონის მიახლოებისკენ დაიწყოს. დიეტის სტარტზე კარგი იქნება თუ განტვირთვის ორ დღეს მოიწყობთ, რათა კუჭის მოცულობა შეგიმცირდეთ: დღის განმავლობაში აუცილებლად უნდა მიიღოთ ლიტრნახევარი ცხიმგამოცლილი რძე და დაახლოებით 100 გრამი შავი პური. თუ შიმშილი ძალიან შეგაწუხებთ, შეგიძლიათ მიიღოთ „სპირულინა პლატენსისი“ – ზღვის მიკროფლორისგან დამზადებული საკვები დანამატი, რომელსაც აფთიაქში იყიდით. მასში ცილების საკმარისი რაოდენობაა, რაც ნივთიერებათა ცვლასა და სისხლის მიმოქცევას ეხმარება და შესაბამისად, შიმშილის გრძნობის დაქვეითებასაც უწყობს ხელს.

spirulina-platensis

საბედნიეროდ, შიმშილობა მეტად აღარ მოგიწევთ. აუცილებელია რიგრიგობით დაიცვათ ბოსტნეულისა და ცილის დღეები, ყოველი ორი დღის შემდეგ. რაციონიდან მთლიანად უნდა ამოიღოთ მაგარი სპირტიანი სასმელები, მშრალი ღვინის გარდა. გახსოვდეთ, რომ თქვენს ფიგურაზე ყველაზე დამღუპველ გავლენას ტკბილი ლიმონათები, ფქვილეული, english-diet-6ლუდი, თეთრი პური და შემწვარი კარტოფილი ახდენს. ასევე უნდა შეზღუდოთ მარილის მიღებაც, რადგან ის ორგანიზმიდან წყლის გამოდევნას აფერხებს.

ბოსტნეულის დღეებში  დასაშვებია თითო პორცია მაკარონის მირთმევაც, რასაკვირველია ცხიმისა და ხორცის გარეშე. ასევე შეგიძლიათ ჭამოთ კარტოფილი „მუნდირში“ – კანიანად შემწვარი კარტოფილი, რომელშიც უხვადაა უჯრედისი. არ ღირს ზედმეტად გატაცება მაღალკალორიული ჩირით, თხილით, ქიშმიშით, ნესვითა და ტკბილი ჯიშის ყურძნით.

დიეტასთან ერთად რეკომენდებულია გიმნასტიკა, აერობიკა, ტრენაჟორებზე ვარჯიში ან იოგა, რაც დადებითი შედეგის მაქსიმალურად დიდხანს და ასევე სხეულის კუნთოვანი ტონუსის შენარჩუნებაში დაგეხმარებათ.

ოპტიმალური რაციონის მაგალითი ინგლისური დიეტის ფარგლებში:

პირველი და მეორე დღე (განტვირთვის დღეები)

საუზმე – შავი პურის ნაჭერი და ჭიქა რძე (ცხიმგამოცლილი);

13:00 – რძე;

16:00 – რძე და პური;

19:00 – რძე.

მესამე და მეოთხე დღე (ცილოვანი დღეები)

საუზმე – პურის ნაჭერი ერთ კოვზ თაფლთან და კარაქთან ერთად, ყავა უშაქროდ და ურძეოდ;

13:00 – თევზის ან ხორცის ბულიონის ერთი ფინჯანი, 150-200 გრ. მოხარშული თევზის ან საქონლის ხორცი, გარნირად ლობიო ან მწვანე ბარდა (4 სუფრის კოვზი) ან ისპანახი (მწვანილი შეგიძლიათ შეუზღუდავად მიირთვათ), 100-150 გრ. ახალი ბოსტნეულის სალათი, რამდენიმე ნაჭერი ორცხობილა. დესერტად შეგიძლიათ დააყოლოთ ერთ-ერთი ამ სასმელებიდან: ფინჯანი ჩაი (სასურველია თაფლისა და შაქრის გარეშე), თეთრი ღვინო, უშაქრო გაზიანი წყალი, ბალახეულის ნაყენი.

16:00 – ფინჯანი ჩაი ან რძე ნახევარი სუფრის კოვზი თაფლით;

19:00 – სურვილის მიხედვით: ჭიქა კეფირი, ორი კვერცხი, 50 გრამი თევზის ან საქონლის ხორცი ან პურის ნაჭერი და ყველი.

მეხუთე-მეექვსე დღეები (ნახშირწყლების, ბოსტნეულის დღეები)

საუზმე – ორი ვაშლი ან ორი ფორთოხალი;

13:00 – ბოსტნეულის სუპი კარტოფილის გარეშე, ვინეგრეტი, სალათი ან მცენარეულ ზეთზე დამზადებული ბოსტნეულის რაგუ, პურის ნაჭერი. დესერტად შეგიძლიათ მიირთვათ ხილის სალათი. დაშვებულია თაფლის ან შაქრის შემცვლელის გამოყენება;

16:00 – ნებისმიერი ხილი ბანანის გარდა;

19:00 – სალათი, ჩაი ნახევარი სუფრის კოვზი თაფლით. ალტერნატიული ვარიანტია წვენი და 750 გრ. ხილი.

ბოლო ჭამა საღამოს არაუგვიანეს 19:00 საათისა უნდა იყოს.

თუ ამ დიეტად დაიცავთ, ფიგურის მოხდენილი ფორმების მიღწევა და შენარჩუნება არ გაგიჭირდებათ.