Tag Archives: ხის სოკო

ღორის ხორცი კლეცკებით და ხის სოკოთი

23

ინგრედიენტები: 

  • 700 გ ღორის ხორცი
  • 2 თავი ხახვი,
  • 300 გ ხის სოკო
  • 5 ს.კ. სოიოს სოუსი
  • 2 ს.კ. ტომატი
  • 100 მლ წითელი ღვინო
  • 4 კბ ნიორი
  • 1 ჩ.კ. შაქარი
  • 1 ჩ.კ. წითელი წიწაკა
  • 100 მლ წყალი
  • 5 ს.კ. ზეთი
  • 2-3 ღერი ოხრახუში

ინგრედიენტები კლეცკებისთვის:

  • 300 გ კარტოფილი
  • 2 კვერცხი
  • 400 გ ფქვილი
  • 50 გ კარაქი
  • მარილი

მომზადება: 

ხახვი დაჭერით წვრილად; ხის სოკო დაჭერით 2-3 ნაწილად და შემდეგ დაჩეჩეთ ხელით.

ღორის ხორცი დაჭერით 2-3 სმ ზომის ნაჭრებად და მოათავსეთ ქვაბში, დაასხით ღვინო, წყალი და მოშუშეთ დაბალ ტემპერატურაზე.

როდესაც სითხე ამოშრება, დაუმატეთ ზეთი, დაჭრილი ხახვი და დაჩეჩილი სოკო. მოშუშეთ დაბალ ტემპერატურაზე 30 წუთის განმავლობაში. ხშირად ურიეთ.

მოამზადეთ სოუსი: ტომატი, დანაყული ნიორი, წიწაკა, შაქარი და სოიოს სოუსი ათქვიფეთ კოვზით. მიღებული მასა ჩაამატეთ ხორციან ქვაბში და კარგად მოურიეთ. გააჩერეთ საშუალო ცეცხლზე კიდევ 10 წუთის განმავლობაში.

პარალელურად მოამზადეთ კლეცკები (ან ნიოკი – ინგლისურად): ათქვიფეთ კვერცხი, დაუმატეთ კარტოფილის პიურე, დამდნარი კარაქი და ნელ-ნელა შეაზილეთ ფქვილი. უნდა გამოვიდეს საკმაოდ მკვრივი, ელასტიკური ცომი.

ცომი გააბრტყელეთ 1,5 სმ სისქეზე, დაჭერით კერ სიგრძივად, შემდეგ განივად. უნდა გამოვიდეს დაახლოებით 2X3 სმ ნაჭრები. ჩაყარეთ პორციებად ადუღებულ მარილიან წყალში და მოხარშეთ 6-7 წუთის განმავლობაში. 

ხორცი გადმოიღეთ თეფშებზე, ზემოდან დაალაგეთ კლეცკები, მოაყარეთ ოხრახუშის ფოთლები და გემრიელად მიირთვით ცხელ-ცხელი!

😉 😉

 

არაჟანში გამომცხვარი სოკო

a

თუ სოკო გიყვართ, ალბათ, გიცდიათ მისი მრავალნაირად მომზადება – დაწყებული სოკოს სუპით, დამთავრებული სოკოს ჟულიენით. სოკოს ჟულიენი… ალბათ არ არსებობს ადამიანი, რომელსაც შეუძლია უარი თქვას ამ სურნელოვან და არაჩვეულებრივად გემრიელ საჭმელზე!

სწორედ სოკოს ჟულიენის მოტივებზე მზადდება სოკო ნაღების სოუსში. მომზადების წესითაც ეს ორი კერძი ძალიან გავს ერთმანეთს.

სოკო არაჟნის სოუსში  ძალიან ნაზი და გემრიელი გამოდის. რა თქმა უნდა, თუ გინდათ, ბოლოს შეგიძლიათ  გახეხილი ყველი დაამატოთ, რათა კერძმა მოწითალო საფარი გაიკეთოს.

არაჟანში გამომცხვარი სოკოს მირთმევა ცალკეც შეიძლება და ვთქვათ, კარტოფილის პიურესთან ან სპაგეტის გარნირთან ერთად. თუმცა სუფრაზე მიტანის დროს სოკოს და გარნირს ერთ თეფშზე ნუ მოათავსებთ. უმჯობესია, კერძი იმავე ჭურჭლით მიიტანოთ, რაშიც მომზადდა.

ინგრედიენტები:

  • 450 გ ქამა სოკო (ან პორტაბელო)
  • 200 გ ხახვი
  • 200 მლ არაჟანი
  • 10 გ კამა
  • 2 კბილი ნიორი
  • 2 კვერცხი
  • 6 ს/კ ზეთი
  • შავი პილპილი
  • მარილი

მომზადება:

სოკო კარგად გარეცხეთ და დაჭერით თხელ ნაჭრებად. მოზრდილ ნაჭრებად დაჭერით ხახვი.

ტაფაზე გააცხელეთ ზეთი, ჯერ ხახვი მოშუშეთ ოდნავ შეწითლებამდე, შემდეგ დაამატეთ სოკო, მარილი და პილპილი.

ნიორი და კამა  დაჭერით წვრილად.

შეურიეთ ერთმანეთს არაჟანი (ნაღებიც შეიძლება), კვერცხი და ნიორი; დაუმატეთ ოდნავ შეგრილებული სოკო და კარგად აურიეთ.

ინგრედიენტები მოათავსეთ პორციულ ფორმებში და გამოაცხვეთ 10-15 წუთის განმავლობაში 180 გრადუსამდე გახურებულ აირღუმელში.

მზა კერძს მოაყარეთ კამა და გემრიელად მიირთვით!