Tag Archives: წითელი წიწაკა

სოუსი ცეცხლიჭამიებისთვის

ცხარე სოუსი, რომელიც ძალიან უხდება ზღვის პროდუქტების, ღორისა და ქათმის ხორცისგან მომზადებულ კერძებს, განსაკუთრებით, თუ ამ კერძებს კარტოფილის ან სპაგეტის გარნირით მიირთმევთ. მარტივი მოსამზადებელია და კარგად ინახება რამდენიმე დღის განმავლობაში. კარგი იქნება თუ სოუსის მოსამზადებლად ხარისხიან ძმარსა და სოიოს სოუსს გამოიყენებთ. იაფფასიანი სოიოს სოუსები არ გამოგადგებათ.

ინგრედიენტები:

  • 2 ს/კ მსხვილად დაფქვილი წითელი მწარე წიწაკა
  • 1 ჩ/კ წითელი წიწაკის ფხვნილი
  • 1 ჩ/კ შავი პილპილი
  • 1 ს/კ ღვინის ძმარი ან ბალზამიკო
  • 4 ს/კ ზეითუნის ან მზესუმზირის ზეთი
  • 2 ს/კ სოიოს სოუსი
  • 0,5 ჩ/კ დაფქვილი კოწახური.

მომზადება:

მსხვილად დაფქვილ წითელ წიწაკას დაასხით ზეთი და დატოვეთ 1 საათის განმავლობაში. შემდეგ დაუმატეთ დანარჩენი ინგრედიენტები: შავი და წითელი პილპილი, ძმარი, სოიოს სოუსი და კოწახური. ყველაფერი ეს კარგად ათქვიფეთ. თავისთავად სოიოს სოუსი საკმაოდ მლაშეა, ამიტომ მარილის დამატება აღარ დასჭირდება.

მიღებული ნარევი გააჩერეთ ნახევარი საათის განმავლობაში, რათა ინგრედიენტები კარგად შეერიოს ერთმანეთს. სოუსი შეინახეთ მაცივარში.

Advertisements

ღორის ხორცის ფარში ოსპით და ბრინჯით

23

ინგრედიენტები:

  • 150 გ ოსპი
  • 500 გ ღორის ფარში
  • 100 მლ ღვინო
  • 2 თავი ხახვი
  • 13-15 ღერი მწვანე ქინძი
  • 300 გ ბრინჯი
  • 1 ს.კ. წითელი წიწაკა
  • 1 ჩ.კ. ხმელი ქინძი
  • 3 ს.კ. ტომატი
  • 3 ს.კ. არაჟანი
  • 50 გ კარაქი
  • 2 კბ ნიორი
  • მარილი
  • ზეთი
  • 200 მლ წყალი

მომზადება:

ოსპი დაალბეთ წყალში 7-8 საათის განმავლობაში და მოხარშეთ მარილიან წყალში. ოსპი საკმაოდ დიდხანს იხარშება, ამიტომ დაახლოებით 2-3 საათი მაინც დასჭირდება. 

ბრინჯი მოხარშეთ მარილიან წყალში, გადაწურეთ თუშფალანგზე. ცხელ ბრინჯს დაუმატეთ კარაქი და აურიეთ.

პარალელურად, დაჭერით ხახვი და მოშუშეთ ზეთიან ტაფაზე. დაამატეთ ღორის ხორცის ფარში, წიწაკა, დანაყული ნიორი, ხმელი ქინძი, ღვინო, მოხარშული ოსპი და 100 მლ წყალი, აურიეთ და დატოვეთ დაბალ ცეცხლზე კიდევ 20-22 წუთის განმავლობაში. შემდეგ დაამატეთ არაჟანი, ტომატი, მარილი, დარჩენილი 100 მლ წყალი, კარგად მოურიეთ, წამოადუღეთ და გადმოდგით გაზქურიდან.

ბრინჯი გადმოიღეთ თეფშებზე, დაამატეთ  ოსპისა და ფარშის ჩაშუშული; მოაყარეთ დაჭრილი მწვანე ქინძი და გემრიელად მიირთვით!