Tag Archives: ცხელი სალათი

სპაგეტის სალათი ქათმით

OLYMPUS DIGITAL CAMERA

ინგრედიენტები:

  • 1,5 ქათმის ხორცის ბულიონი (ან 3 ბულიონის ბრიკეტი)
  • 1 შეკვრა სპაგეტი
  • 10 კბ ნიორი
  • 300 გ ქათმის ფილე
  • 50 გ სიმინდი
  • 4 ღერი მწვანე ხახვი
  • 1 წითელი ტკბილი წიწაკა
  • ბაზილიკის (ან რეჰანის) 5-6 ფოთოლი
  • 5 ს.კ. ზეთი
  • 5 გ სეზამის მარცვლები
  • მარილი

მომზადება: 

ქათმის ფილე ჩადეთ ქვაბში, მოაყარეთ მარილი, მოასხით 3 ს.კ. ზეთი, დაახლოებით 30 მლ წყალი ან ბულიონი. ნიორი გარეცხეთ კარგად (კანი არ მოაშოროთ) და ჩააწყვეთ ქვაბში ქათმის ფილესთან ერთად. ხორცი და ნიორი მოშუშეთ  დაბალ ცეცხლზე დაახლოებით 25-30 წუთის განმავლობაში

პარალელურად, მარილიან ბულიონში (შეგიძლიათ გამოიყენოთ 3 ბულიონის ბრიკეტი) მოხარშეთ სპაგეტი. გადაწურეთ თუშფალანგზე.

როდესაც ქათმის ფილე მოიშუშება, ხელით დაჩეჩეთ; ნივრებს ფრთხილად მოაშორეთ კანი. ორივე ინგრედიენტი ჩააბრუნეთ ქვაბში, დაუმატეთ დაჭრილი ტკბილი წიწაკა, სიმინდის მარცვლები, ბაზილიკი (ან რეჰანი) და მოშუშეთ 2-3 წუთის განმავლობაში საშუალო ცეცხლზე. ამის შემდეგ დაუმატეთ სპაგეტი, კარგად აურიეთ და დატოვეთ გაზქურაზე კიდევ 3 წუთის განმავლობაში. თუ საჭიროა, დაუმატეთ მარილიც.

მირთმევის წინ სპაგეტის სალათს მოაყარეთ დაჭრილი მწვანე ხახვი და სეზამის მარცვლები.

გემრიელად მიირთვით!

Advertisements

კარტოფილის ცხელი სალათი ბეკონით

19

ინგრედიენტები: 

  • 700 გ კარტოფილი
  • 1 თავი წითელი ხახვი
  • 3 კბ ნიორი
  • 200 გ ბეკონი
  • 3-4 ღერი ოხრახუში
  • მარილი
  • ზეთი

მომზადება: 

საშუალო ზომის კარტოფილი კარგად გახეხეთ, გარეცხეთ და კანიანად დაჭერით 4-4 ნაწილად. ღრმა ქვაბში ჩაასხით ზეთი 2 სანტიმეტრზე და წამოადუღეთ. პორციებად ჩაყარეთ კარტოფილი და დაბრაწეთ. ხანდახან მოურიეთ ხის კოვზით.

პარალელურად, დაჭერით ბეკონი და შეწვით უცხიმო ტაფაზე. დაამატეთ დაჭრილი ხახვი, დანაყული ნიორი, კარგად მოურიეთ და 2 წუთში გადმოდგით გაზქურიდან. ხახვი ოდნავ უნდა იყოს მოშუშული.

როდესაც კარტოფილი შეიწვება, გადმოიღეთ ქაღალდის ხელსახოცზე, რომ ზედმეტი ზეთი ჩამოიწუროს.

მოაყარეთ მარილი, ხახვის, ბეკონისა და ნივრის მიქსი, წვრილად დაჭრილი ოხრახუში და სწრაფად აურიეთ.  

გემრიელად მიირთვით!