Tag Archives: ცხელი კერძები

ბროკოლისა და კარტოფილის სუპი სიმინდით

ინგრედიენტები:

  • 500 გ წითელი კარტოფილი;
  • 300 გ ბროკოლი;
  • 1 თავი ხახვი;
  • 400 გ არაჟანი;
  • 100 გ დარბილებული კარაქი;
  • 100 გ ყველი პარმეზანი;
  • 100 გ ტკბილი სიმინდი;
  • 30 გ მწვანე ქინძი;
  • მარილი.

მომზადება: 

წითელი კარტოფილი (სასურველია მცირე ზომის) გარეცხეთ, კარგად გახეხეთ, მოხარშეთ ნახევრად და წყალი გადაღვარეთ. 3 კარტოფილს გააცალეთ კანი, დანარჩენი დაჭერით საშუალო ზომის ნაჭრებად, გადაიტანეთ ქვაბში, დაამატეთ ორად გაჭრილი ხახვი და ხარშეთ კიდევ 10 წუთი საშუალო ტემპერატურაზე. ამის შემდეგ გაზქურა გამორთეთ, 3 კანგაცლილი კარტოფილი ამოიღეთ და მოამზადეთ პიურე, დაჭრილი კარტოფილი კი დატოვეთ ნახარშ წყალში.

არაჟანი და დარბილებული კარაქი ათქვიფეთ კოვზით და ჯერ 3 კარტოფილის პიურე შეურიეთ, შემდეგ კი კარტოფილის ნახარში წყლის ნაწილი და გახეხილი პარმეზანი. მიღებული მასა ნელ-ნელა დაასხით მოხარშულ დაჭრილ კარტოფილს, დაუმატეთ ბროკოლის დანაწევრებული ყვავილედები, კონსერვირებული ტკბილი სიმინდი, მარილი და წამოადუღეთ. ხარშეთ დაახლოებით 5-6 წუთი.

ბოლოს მოაყარეთ წვრილად დაჭრილი მწვანე ქინძი და გემრიელად მიირთვით!

10

Advertisements

ლობიო საქონლის ხორცით

ინგრედიენტები:

  • 300 გ ლობიო;
  • 1 კგ საქონლის ხორცი;
  • 2 წითელი ბულგარული წიწაკა;
  • 1 ს.კ. ტომატი;
  • 2 თავი ხახვი;
  • 3 კბ ნიორი;
  • 3 ს.კ. სოიოს სოუსი;
  • მარილი;
  • 2  დაფნის ფოთოლი;
  • 1 ჩ.კ. წითელი წიწაკა;
  • 1 ს.კ. ფქვილი;
  • 100 გ კარაქი.

მომზადება: 

ლობიო გარეცხეთ, მოათავსეთ ღრმა ქვაბში, დაასხით 1 ლ წყალი, წამოადუღეთ და წყალი გადაღვარეთ. ისევ დაამატეთ წყალი (ამჯერად დაახლოებით 1,7 ლ), დაფნის ფოთლები, 3 კბ ნიორი (მთლიანად) და დადგით საშუალო ტემპერატურაზე. ხარშვის დროს ქვაბი ოდნავ თავმოხდილი უნდა იყოს.  ნახევარი საათის შემდეგ დაამატეთ საშუალო ზომის ნაჭრებად დაჭრილი უცხიმო საქონლის ხორცი და გააგრძელეთ ხარშვა  2 საათის განმავლობაში. თუ სითხე ძალიან ჩაშრება, დაამატეთ ცოტა ადუღებული წყალი.

სანამ ხორცი და ლობიო იხარშება, დაჭერით ხახვი მსხვილად და მოშუშეთ ზეთიან ტაფაზე. 3-4 წუთში დაამატეთ  დაჭრილი ბულგარული წიწაკა, ტომატი, სოიოს სოუსი, წიწაკა, ფქვილი, კარაქი, 3 ს.კ. წყალი და გააგრძელეთ შუშვა კიდევ 5 წუთი დაბალ ტემპერატურაზე, თან მუდმივად ურიეთ.

მიღებული მასა ნელ-ნელა გადაიტანეთ ხორციან ქვაბში, კარგად მოურიეთ, შეაზავეთ მარილით, ერთხელ წამოადუღეთ და გადმოდგით გაზქურიდან. 

გემრიელად მიირთვით!

6