Tag Archives: შაქარი

მაფინი სიმინდის ფქვილით და ძეხვით

1ინგრედიენტები:

  • 120 გ გამდნარი კარაქი
  • 2 კვერცხი
  • 2 ს.კ. არაჟანი
  • 1 ჩ.კ. სოდა
  • 100 გ ხორბლის ფქვილი
  • 240 გ სიმინდის ფქვილი
  • 1 ს.კ. მარილი
  • ზეთი
  • 1 ს.კ. შაქარი (არ არის აუცილებელი)
  • ძეხვი
  • კარაქი ან ზეთი მაფინის ფორმებზე წასასმელად

მომზადება:

ცალკე ჭურჭელში შეურიეთ სოდა, სიმინდისა და ხორბლის ფქვილი.

ერთ ჭურჭელში მოათავსეთ შაქარი, მარილი, არაჟანი და 120 გ დამდნარი კარაქი. დაუმატეთ კვერცხი და ათქვიფეთ.

მიღებული მასას ნელ-ნელა შეურიეთ სოდიანი ფქვილი და დატოვეთ თბილ ადგილზე 15 წუთით. 

ძეხვი დაჭერით 2,5 სმ სიგრძის ნაჭრებად.

3

აირღუმელში შედგით მაფინის ფორმა და გაახურეთ 200 გრადუსამდე. თითოეულს ძირსა და კედლებზე წაუსვით კარაქი ან ზეთი. კოვზით მოათავსეთ ცომი, შუაში ჩააწყვეთ ძეხვის ნაჭრები. გამოაცხვეთ დაახლოებით 10-12 წუთის განმავლობაში (შეიძლება ცოტა მეტი დროც დასჭირდეს, თუ მაფინის ფორმების დიამეტრი დიდია).

4

მზა მაფინები ოდნავ შეაგრილეთ და გემრიელად მიირთვით კეტჩუპთან ერთად.

5

Advertisements

ნოჩინო – ტრადიციული იტალიური სასმელი

3333

ნოჩინო არის იტალიური ლიქიორი, რომელიც მზადდება ნიგვზის ლებნებისგან ალკოჰოლისა და სანელებლების დამატებით.

ამ ტრადიციული სასმელის მომზადებას იტალიელები, ჩვეულებრივ, ივნისში იწყებენ – ეს ის დროა, როცა კაკალი იწყებს შემოსვლას.  ჩვენთან, საქართველოში კაკლის დაკრეფისთვის საუკეთესო დრო 23 ივნისამდეა. სასმელი მზადდება მაღალპროცენტიანი ხორბლის არაყით.

ნოჩინო არ არის სასმელი, რომლითაც  მაინცდამაინც უნდა დათვრეთ – ის უნდა მიირთვათ სადილის შემდეგ, ლიქიორის პატარა ჭიქით 😉

კიდევ ერთი – თუ მოთმინება არ გყოფნით, სჯობს საერთოდ არ მოჰკიდოთ ხელი ამ ლიქიორის დამზადება, რადგან საუკეთესო შედეგის მისაღებად მისი ერთი წლით დაყენებაა საჭირო.

ინგრედიენტები:

  • 200 გრამი კაკლის ლებნები უღლებით
  • 3 დარიჩინის ჩხირი
  • 5 მიხაკი
  • 2 ანისულის ვარსკვლავი
  • ვანილი
  • 1 ლიმონის ან ფორთოხლის ცედრა
  • 2 ჭიქა შაქარი
  • 1 ლიტრი არაყი

მომზადება:

კაკლის ლებნები დაჭერით ორ ნაწილად ბასრი დანით. აუცილებლად გამოიყენეთ ხელთათმანი, წინააღმდეგ შემთხვევაში ხელიდან წენგოს მოცილება ძალიან რთული იქნება.

ფართოთავიან კონტეინერში ჩაყარეთ კაკალი, ცედრა, სანელებლები და შაქარი, დაასხით არაყი, დაახურეთ თავი და კარგად შეანჯღრიეთ.

შეინახეთ ბნელ, გრილ ადგილზე ექვსი კვირის განმავლობაში. ყოველდღიურად მოურიეთ ან შეანჯღრიეთ.

6 კვირის შემდეგ სითხე გადაწურეთ საწურში. ჩამოასხით სასმელი თავსახურიან ბოთლებში და შეინახეთ ისევ ბნელ, გრილ ადგილას მინიმუმ 6 თვის განმავლობაში. საუკეთესო შედეგის მისაღებად კი, როგორც აღვნიშნე, ერთი წელია საჭირო.

მოთმინებას გისურვებთ 😉 😉 😉

333