Tag Archives: შავი პილპილი

ცხელი ბუტერბროდი

39

ინგრედიენტები ( 4 პორციისთვის):

  • 4 ფუნთუშა/პატარა მრგვალი პური
  • 8 ნაჭერი ბეკონი
  • 100 გ ყველი
  • 4 კვერცხი
  • 4 პატარა მჟავე კიტრი
  • 20 გ კარაქი
  • შავი პილპილი
  • სალათის ფურცლები და კამა (ან/და ოხრახუში) გასაფორმებლად

მომზადება:

პურებს მოაჭერით ზედა ნაწილი, ამოუღეთ გული და ძირზე წაუსვით კარაქი.

გახეხეთ ყველი,  ბეკონის ნაჭრები დაჭერით პატარა ნაჭრებად, წვრილად დაჭერით მჟავე კიტრიც. ინგრედიენტები გაყავით ოთხ ნაწილად და მოათავსეთ ფუნთუშებში – ჯერ გახეხილი ყველი, შემდეგ მჟავე კიტრი და ბოლოს ბეკონი.

მომზადებული ფუნთუშები შედგით 220 გრადუსამდე გახურებულ აირღუმელში.

5-6 წუთში თითოეულ ფუნთუშაში ჩაახალეთ თითო კვერცხი და ისევ შედგით აირღუმელში. 2 წუთში ცხელი სენდვიჩი მზადაა.

თეფშზე დააწყვეთ სალათის ფურცლები და დაალაგეთ ბუტერბროდები.  მოაყარეთ შავი პილპილი და დაჭრილი მწვანილი.

გემრიელად მიირთვით!

ყველიანი პიცის მარტივი რეცეპტი

85ინგრედიენტები:

500 გ ფქვილი

1 ჩ.კ. შაქარი

3 ს.კ. ზეითუნის ზეთი

10 გ საფუარი

230 მლ თბილი წყალი ან რძე

200 გ მოცარელა ან ახალი სულგუნი

100 გ პარმეზანი

1 დიდი პომიდორი

1 ჩ.კ. ორეგანო

შავი პილპილი

მარილი

მომზადება:

საფუარი გახსენით თბილ წყალში ან რძეში და გააჩერეთ თბილ ადგილას 10 წუთის განმავლობაში. ჯამში ჩაყარეთ ფქვილი და ჩააღრმავეთ. ჩაასხით საფუარიანი წყალი (ან რძე), ზეითუნის ზეთი, ჩაყარეთ მარილი და შაქარი.

მოზილეთ რბილი ცომი და დადგით  ამოსაფუებლად თბილ ადგილზე 2 საათის განმავლობაში. გაფუებულ ცომს მოაყარეთ ფქვილი და ხელახლა ამოაგუნდავეთ, ისე, რომ კედლებს აღარ ეკვრებოდეს.

ცომი გაყავით ორ ნაწილად. თითოეულს მოაყარეთ ფქვილი, ამოაგუნდავეთ კიდევ ერთხელ და დატოვეთ ხელახლა ასაფუებლად 10 წუთით. აუცილებლად გადააფარეთ პოლიეთილენის პარკი.

ცომი გააბრტყელეთ საჭირო ფორმაზე, დაალაგეთ ძალიან თხელ რგოლებად დაჭრილი პომიდორი, მოაყარეთ ხმელი ორეგანო და შავი პილპილი;

მოცარელა (ან სულგუნი) დაჭერით და დაალაგეთ ისე, რომ პომიდვრის ფენა მთლიანად დაიფაროს;

ზემოდან დაახეხეთ პარმეზანი.

გამოაცხვეთ 200 გრადუსამდე გახურებულ ღუმელში 12-15 წუთის განმავლობაში.

გემრიელად მიირთვით!