Tag Archives: ყველი

კარტოფილის კატლეტები ლორით და ძეხვით

11 ინგრედიენტები:

  • 500 გრ. კარტოფილი
  • 1 კვერცხი
  • 50 გ ვერმიშელი
  • 100 გრ. ყველი
  • 70 გრ. ლორი
  • 70 გრ. ძეხვი
  • 2 ს.კ. ფქვილი
  • 1 ხახვი
  • 30 გრამიკარაქი
  • 4-5 ღერი მწვანე ქინძი
  • 5 ს.კ. რძე
  • საფანელი
  • შავი პილპილი
  • მარილი
  • ზეთი

მომზადება: გახეხეთ ყველი მსხვილ სახეხზე; ხახვი დაჭერით წვრილად; დაჭერით მწვანე ქინძიც. ვერმიშელი ჩაყარეთ ოდნავ მარილიან, ადუღებულ წყალში და მოხარშეთ 2 წუთის განმავლობაში. მოხარშული ვერმიშელი გადაწურეთ თუშფალანგზე და გადაავლეთ ცივი წყალი. ლორი და ძეხვი დაჭერით წვრილად და  შებრაწეთ ზეთის გარეშე (ორივეს თავისი ცხიმი აქვს, ამიტომ ზეთი აღარ ჭირდება), დაამატეთ დაჭრილი ხახვი და მოშუშეთ. მოხარშეთ კარტოფილი, დაამატეთ კარაქი, რძე და მოამზადეთ პიურე. პიურეში ჩაყარეთ მოშუშული ხახვი, ლორი და ძეხვი, გახეხილი ყველი, ვერმიშელი, დაჭრილი ქინძი, ფქვილი. ჩაახალეთ კვერცხი, დაამატეთ მარილი, პილპილი და კარგად მოზილეთ. დაამზადეთ კატლეტები, ამოავლეთ საფანელში (ან სიმინდის ფქვილში), დაალაგეთ ცხელ, ზეთიან ტაფაზე და შეწვით ორივე მხრიდან. გემრიელად მიირთვით კეტჩუპთან ან არაჟანთან ერთად!

თევზი კარტოფილით

9

ინგრედიენტები:

  • 500 გ თევზის ფილე
  • 800 გ კარტოფილი
  • 2 დიდი პომიდორი
  • 350 გრამი ყველი
  • 2 თავი ხახვი
  • 70 გ მაიონეზი
  • ზეთი
  • 30 გ კარაქი
  • შავი პილპილი
  • მარილი
  • ოხრახუში და “ჩერი” გასაფორმებლად

მომზადება:

თევზის ფილე დაჭერით საშუალო ზომის ნაჭრებად, მოათავსეთ ჯამში, მოაყარეთ მარილი და პილპილი. გააჩერეთ დაახლოებით 20 წუთი.

კარტოფილი გათალეთ და დაჭერით თხელ, მრგვალ  ნაჭრებად.

მოასხით ზეთი საცხობ ფორმაზე და დააწყვეთ კარტოფილის ნახევარი, მოაყარეთ ცოტა მარილი და შავი პილპილი. ზემოდან დაალაგეთ თევზი ისე, რომ კარტოფილი მთლიანად დაიფაროს.

შემდეგი ფენაა ასევე თხელ, მრგვალ ნაჭრებად დაჭრილი პომიდორი. პომიდორსაც მოაყარეთ მარილი და პილპილი, ალყა ალყად დაჭრილი ხახვი.

მორიგი ფენა ისევ კარტოფილი იქნება (პლუს მარილი და პილპილი).

კარტოფილზე რამდენიმე ადგილად დაალაგეთ კარაქის თხელი ნაჭრები, გადაუსვით მაიონეზი და მოაყარეთ გახეხილი ყველი.

გამოაცხვეთ 180 გრადუსამდე გაცხელებულ აირღუმელში 40 წუთის განმავლობაში.

დეკორისთვის გამოიყენეთ მწვანილი და პომიდორი “ჩერი”.

გემრიელად მიირთვით!