Tag Archives: ყველიანი ფუნთუშა

პური მდნარი ყველით

1

ინგრედიენტები:

  • 230 გ ხარისხიანი მდნარი ყველი
  • 160 გ დარბილებული კარაქი
  • 1 ს.კ. საფუარი
  • 350 – 370 გ ფქვილი
  • 10 გ კარაქი პურებზე წასასმელად

მომზადება:

მდნარი ყველი, დარბილებული კარაქი, 240 გ ფქვილი (დარჩენილ ფქვილს გამოიყენებთ გაბრტყელებისა და ცხობის დროს) და საფუარი ათქვიფეთ მიქსერით (ცომის მოსამზადებელი პირით), სანამ არ შეიკვრება. ცოტა ხანი ხელითაც მოზილეთ.

ცომი გაახვიეთ ცელოფანში და შეინახეთ მაცივარში 30 წუთი.

გასაბრტყელებელ დაფაზე მოაყარეთ ცოტა ფქვილი, დადეთ ცომის გუნდა და გააბრტყელეთ დაახლოებით 1 სმ სისქეზე. შემდეგ ცომი გადაკეცეთ შუაში და ნამცხვრის გამოსაჭრელი მრგვალი ფორმით ან პატარა ჭიქით გამოჭერით ცომები. დარჩენილი ცომი ხელით შეაწებეთ და იმავე მეთოდით კიდევ გამოჭერით რგოლები.

გაახურეთ აირღუმელი 200 გრადუსამდე. ცხელ ცეცხლგამძლე ჭურჭელზე მოაფრქვიეთ ცოტა ფქვილი. დაალაგეთ მრგვალი ცომები მინიმუმ 2 სანტიმეტრის დაშორებით.

გამოაცხვეთ 12-13 წუთის განმავლობაში.

როდესაც პურები გამოცხვება, გადაუსვით კარაქი და გემრიელად მიირთვით ცხელ-ცხელი 😉 😉

ხაჭოს ფუნთუშა

a

ინგრედიენტები: 

  • 500 გ ხაჭო
  • 2 კვერცხი
  • 2 ს.კ. მანანის ბურღული
  • 100 გ კარაქი
  • 200 გ შაქარი
  • მწიკვი მარილი
  • ვანილი
  • 1 ჩ.კ. სოდა
  • ფქვილი (იმდენი, რომ ცომი ხელზე არ მოგეკროთ)

მომზადება:

ხაჭო, მანანის ბურღული, ცოტა მარილი, შაქარი, ვანილი დააბლენდერეთ ერთად და გააჩერეთ 30 წუთი. შემდეგ დაუმატეთ ქიშმიში, სოდა, ფქვილი და კარგად მოზილეთ – ცომი ხელს აღარ უნდა მიეკრას.

მოამზადეთ მრგვალი ფუნთუშები, დაალაგეთ ფქვილმოყრილ ცეცხლგამძლე ჭურჭლზე და გამოაცხვეთ 180 გრადუსამდე გახურებულ აირღუმელში.

ხაჭოს ფუნთუშას ძალიან უხდება შაქრის პუდრასთან ერთად ათქვეფილი არაჟანი.

ამავე წესით შეგიძლიათ მოამზადოთ ყველიანი ფუნთუშები. მხოლოდ 500 გრამი ხაჭოს ნაცვლად გამოიყენეთ 250 გ ხაჭო და 250 გ ყველი (კარგად გახეხილი). ცხადია, აღარ დაამატებთ შაქარს, ვანილსა და ქიშმიშს. არაჟანი ყველიან ვარიანტსაც ძალიან უხდება.

გემრიელად მიირთვით 🙂