Tag Archives: ღორის ხორცი სოიოს სოუსით

ღორის ხორცი კლეცკებით და ხის სოკოთი

23

ინგრედიენტები: 

  • 700 გ ღორის ხორცი
  • 2 თავი ხახვი,
  • 300 გ ხის სოკო
  • 5 ს.კ. სოიოს სოუსი
  • 2 ს.კ. ტომატი
  • 100 მლ წითელი ღვინო
  • 4 კბ ნიორი
  • 1 ჩ.კ. შაქარი
  • 1 ჩ.კ. წითელი წიწაკა
  • 100 მლ წყალი
  • 5 ს.კ. ზეთი
  • 2-3 ღერი ოხრახუში

ინგრედიენტები კლეცკებისთვის:

  • 300 გ კარტოფილი
  • 2 კვერცხი
  • 400 გ ფქვილი
  • 50 გ კარაქი
  • მარილი

მომზადება: 

ხახვი დაჭერით წვრილად; ხის სოკო დაჭერით 2-3 ნაწილად და შემდეგ დაჩეჩეთ ხელით.

ღორის ხორცი დაჭერით 2-3 სმ ზომის ნაჭრებად და მოათავსეთ ქვაბში, დაასხით ღვინო, წყალი და მოშუშეთ დაბალ ტემპერატურაზე.

როდესაც სითხე ამოშრება, დაუმატეთ ზეთი, დაჭრილი ხახვი და დაჩეჩილი სოკო. მოშუშეთ დაბალ ტემპერატურაზე 30 წუთის განმავლობაში. ხშირად ურიეთ.

მოამზადეთ სოუსი: ტომატი, დანაყული ნიორი, წიწაკა, შაქარი და სოიოს სოუსი ათქვიფეთ კოვზით. მიღებული მასა ჩაამატეთ ხორციან ქვაბში და კარგად მოურიეთ. გააჩერეთ საშუალო ცეცხლზე კიდევ 10 წუთის განმავლობაში.

პარალელურად მოამზადეთ კლეცკები (ან ნიოკი – ინგლისურად): ათქვიფეთ კვერცხი, დაუმატეთ კარტოფილის პიურე, დამდნარი კარაქი და ნელ-ნელა შეაზილეთ ფქვილი. უნდა გამოვიდეს საკმაოდ მკვრივი, ელასტიკური ცომი.

ცომი გააბრტყელეთ 1,5 სმ სისქეზე, დაჭერით კერ სიგრძივად, შემდეგ განივად. უნდა გამოვიდეს დაახლოებით 2X3 სმ ნაჭრები. ჩაყარეთ პორციებად ადუღებულ მარილიან წყალში და მოხარშეთ 6-7 წუთის განმავლობაში. 

ხორცი გადმოიღეთ თეფშებზე, ზემოდან დაალაგეთ კლეცკები, მოაყარეთ ოხრახუშის ფოთლები და გემრიელად მიირთვით ცხელ-ცხელი!

😉 😉

 

ღორის ხორცი სოკოთი სოიოს სოუსით

58-pork-mashrooms

ინგრედიენტები:

  • 300 გ ღორის ხორცი
  • 2 თავი ხახვი
  • 1 კბ ნიორი
  • 500 გ სოკო
  • 250 მლ თეთრი ღვინო
  • ძმარი
  • ზეთი
  • 1 ს.კ. სახამებელი
  • 1 ს.კ. ფქვილი
  • 2 ს.კ. სოიოს სოუსი
  • 100 მლ წყალი
  • 1/2 ჩ.კ. წითელი წიწაკა
  • მარილი

მომზადება:

ხახვი დაჭერით წვრილად; სოკო დაჭერით თხელ ნაჭრებად (შეგიძლიათ გამოიყენოთ ქამა სოკო ან პორტაბელო). 

ღორის ხორცი დაჭერით წვრილ, გრძელ ნაჭრებად, დაასხით თეთრი ღვინო, ძმარი და მოხარშეთ ნახევრად დახურულ ქვაბში.

როდესაც ღვინო ამოშრება, ქვაბში ჩაამატეთ ზეთი, დაჭრილი ხახვი და კარგად მოურიეთ.

6-7 წუთში ხახვსა და ხორცს დაუმატეთ სოკო. ტაფას დაახურეთ თავი და დატოვეთ საშუალო ტემპერატურაზე 20 წუთის განმავლობაში. ხანდახან მოურიეთ. 

ფქვილი და სახამებელი აურიეთ ერთმანეთს, დაამატეთ წყალი, დასრესილი ნიორი, წითელი წიწაკა, სოიოს სოუსი და კოვზით კარგად ათქვიფეთ.

მიღებული ნაზავი ჩაამატეთ ხორციან ტაფაში და მოურიეთ. სოუსის ჩასხმის შემდეგ გააგრძელეთ მზადება ძალიან დაბალ ტემპერატურაზე. 10 წუთიც და კერძი მზადაა!

გემრიელად მიირთვით!