Tag Archives: ქათმის ღვიძლი

საქონლის ღვიძლის ტორტი

60ინგრედიენტები:

  • 1 კგ საქონლის (ან ქათმის) ღვიძლი
  • 4 კვერცხი
  • 200 მლ რძე
  • 4 დიდი სტაფილო
  • 2 თავი თეთრი ხახვი
  • 6-7 მწვანე ხახვი
  • ზეთი
  • 250 გ მაიონეზი
  • მარილი
  • პილპილი

მომზადება:

სტაფილო დაჭერით მსხვილ ნაჭრებად; ღვიძლი კარგად გარეცხეთ, მოათვსეთ ქვაბში, დაასხით 4-5 ს.კ. წყალი და სტაფილოსთან ერთად უცხიმოდ მოშუშეთ დაბალ ტემპერატურაზე (20-25 წთ). ხშირად ურიეთ.

როდესაც წყალი მთლიანად ამოშრება, გადმოდგით ტაფა ცეცხლიდან და შეაგრილეთ.

ხორცსაკეპ მანქანაში გაატარეთ ნიორი, თეთრი ხახვი, მოშუშული სტაფილო და ღვიძლი. დაუმატეთ კვერცხი, რძე, მარილი, პილპილი და კარგად აურიეთ. ერთგვაროვანი კონსისტენციის მისაღებად გატარებული ღვიძლი და სხვა ინგრედიენტები დამატებით შეგიძლიათ დააბლენდეროთ.

პატარა ტაფაზე დაასხით ზეთი და გააცხელეთ. პორციებად დაასხით თხელი ღვიძლიანი მასა და ხის კოვზით გაასწორეთ. შეწვით 1 მხრიდან 2 წუთის განმავლობაში, მეორე მხარეს – 1,5 წთ საკმარისია. ასევე გამოაცხვეთ დანარჩენი ბლინები.

მწვანე ხახვი დაჭრით წვრილად და გაყავით იმდენ ნაწილად, რამდენიც ბლინიც გამოგივიდათ. 

ბლინები გააგრილეთ და თითოეულ ფენას წაუსვით მაიონეზი, მოაყარეთ შავი პილპილი და მწვანე ხახვი. დაალაგეთ ერთმანეთზე. ბოლო ფენას მოაყარეთ წვრილად დაჭრილი ხახვი, ოხრახუში და კამა. “ტორტი” 10 წუთით შედგით მაცივარში.

გემრიელად მიირთვით!

ქათმის ღვიძლის სალათი

salad-with-liver-and-apple

ქათმის ღვიძლი ძალიან მარტივად მოსამზადებელია – მთავარია, პროდუქტი იყოს ახალი!

მომზადების პროცესში ძალიან მნიშვნელოვანია, ღვიძლი ისე შეიბრაწოს, რომ შიგნიდან არ გამოშრეს. თუ მას დროზე მეტხანს გააჩერებთ თერმული ზემოქმედების ქვეშ, გაუხეშდება.

ამ სალათს ძალიან უხდება მჟავე ვაშლი, რომელიც შებრაწულ ღვიძლს განსხვავებულ გემოს აძლევს.

ვაშლი უნდა იყოს წვნიანი და ოდნავ მჟავე. შედეგად გამოდის ძალიან გემრიელი სალათი, რომელიც საკმაოდ ნოყიერია და გამოდგება როგორც დამოუკიდებელ კერძად, ისე გარნირად სხვა კერძისთვის.

ინგრედიენტები 4 პორციაზე:

  • 400 გრ. ქათმის ღვიძლი
  • 2 მჟავე ვაშლი
  • 1 კონა მწვანე სალათი
  • 1 ს.კ. ლიმონის ან ლაიმის წვენი
  • 2 ს.კ. მზესუმზირის ზეთი
  • 1 ჩ.კ. კარის ფხვნილი
  • მარილი
  • 1 ს.კ. ძმარი
  • 1 ს.კ. მდუღარე წყალი

მომზადება:

ქათმის ღვიძლი დაჭერით, შეწვით დაბალ ტემპერატურაზე ზეითუნის ან უბრალო მზესუმზირის ზეთში დაახლოებით 15-20 წუთის განმავლობაში. ბოლოს დაამატეთ მარილი, მკვეთრად გაზარდეთ ტემპერატურა და 3-4 წუთი მუდმივად ურიეთ.

იმითვის, რომ ღვიძლს უკეთესი გემო ჰქონდეს, შეგიძლიათ შეწვათ ხახვთან ერთად, თუმცა, ამ კონკრეტულ სალათში მოშუშული ხახვი საჭირო არ არის.

ვაშლი გარეცხეთ და დაჭერით ძალიან თხელ, გრძელ ნაჭრებად, დაასხურეთ ცოტა ლიმონის წვენი, რომ ფერი მალე არ შეიცვალოს.

დაჭერით წინასწარ გარეცხილი და უკვე გამშრალი სალათის ფოთლები.

შებრაწული ღვიძლი გადმოიღეთ ტაფიდან, შეაგრილეთ და ისიც გრძელ, თხელ ნაჭრებად დაჭერით. ცხელი ღვიძლი სალათში არ ჩაყაროთ, რადგან ის სალათის ფურცლებს დაალბობს და სიახლეს დაუკარგავს.

მოამზადეთ სოუსი: შეურიეთ ზეთი, ძმარი, კარის ფხვნილი, მდუღარე წყალი და ახლადდაფქვილი შავი  პილპილი. კარგად ათქვიფეთ და მოასხით სალათს.

თუ გსურთ, აქ დასახელებულ ინგრედიენტებს შეგიძლიათ დაუმატოთ წვრილად დაჭრილი წითელი ბულგარული წიწაკაც.