Tag Archives: ქათმის მარინადი

ქათმის ფილე ნაღებით

t


ინგრედიენტები:

  • 1 კგ ქათმის ფილე
  • 3 ს.კ. არაჟანი
  • 2 ს.კ. ტომატი
  • 3 ს.კ. ლიმონის წვენი
  • 1/4 ჩ.კ. ძირა
  • 1 ჩ.კ. ხმელი ქინძი
  • 2 ფოთოლი დაფნა
  • 2 თავი ხახვი
  • 4 პომიდორი
  • 200 მლ ნაღები
  • 30 გ კარაქი
  • 3 კბ ნიორი
  • 1 ს.კ. პაპრიკა
  • 5-6 ღერი მწვანე ქინძი
  • 400 გ ბრინჯი გარნირისთვის
  • მარილი

მომზადება: 

პირველ რიგში, მოამზადეთ მარინადი: ქათმის ფილე დაჭერით საშუალო ზომის ნაჭრებად. დაამატეთ ტომატი, არაჟანი, ძირა, ხმელი ქინძი, ლიმონის წვენი, დაფნის ფოთოლი, მარილი და ხელით კარგად აზილეთ.  შედგით მაცივარში 3 საათის განმავლობაში.

ხახვი და პომიდორი დაჭერით. ღრმა ქვაბში ჩაასხით ზეთი და აადუღეთ მაღალ ტემპერატურაზე. დაამატეთ ხახვი და მოშუშეთ, თან მუდმივად ურიეთ, რომ არ დაიწვას.

როდესაც ხახვი შეყავიფრდება, შეამცირეთ ტემპერატურა და დაამატეთ ქათმის მარინადი დაფნის ფოთლების გარეშე.  

დაახლოებით 18-20 წუთში დაამატეთ პომიდორი, დანაყული ნიორი, პაპრიკა. ამის შემდეგ გადმოდგით ქვაბი გაზქურიდან და ინგრედიენტები ოდნავ შეაგრილეთ. ნელ-ნელა შეურიეთ ნაღები და კარაქი.

ქვაბი ისევ დადგით გაზქურაზე და  წამოადუღეთ დაბალ ტემპერატურაზე. დაუმატეთ ცოტა მარილი, თუ საჭიროა (თუ ქათმის ფილეს მარინადს საკმარისად აქვს მარილი, ჩვეულებრივ, მეტის დამატება საჭირო აღარაა).

მზა კერძს მოაყარეთ წვრილად დაჭრილი მწვანე ქინძი და გემრიელად მიირთვით ბრინჯის გარნირთან ერთად 🙂 🙂 🙂

რულეტი ქათმის ხორცით და ბოსტნეულით

8

ინგრედიენტები გულსართისთვის:

  • 400 გ ქათმის ფილე
  • 6-10 სალათის ფოთოლი
  • 2 ცხარე მწვანე წიწაკა
  • 1 პომიდორი
  • ზეითუნის ზეთი
  • მარილი

ინგრედიენტები ქათმის მარინადისთვის:

  • 2 ს.კ. პაპრიკა
  • 1 ჩ.კ. მწარე წითელი წიწაკა (ფხვნილი)
  • 1 ჩ.კ. მსხვილად დაფქული წიწაკა
  • 4 კბ ნიორი
  • 1 თავი ხახვი
  • 1 ს.კ. ფქვილი
  • 1/3 ჩ.კ. ახლად დაფქული შავი პილპილი
  • 5-6 ს.კ. ცხარე კეტჩუპი
  • 80 გ დამდნარი კარაქი
  • “ხრეში” მარილი
  • ზეთი

ინგრედიენტები ცომისთვის: 

  • 250 გ ხორბლის ფქვილი
  • 3 ს.კ. სიმინდის ფქვილი
  • 3 ს.კ. ზეთი
  • 1 კვერცხი
  • 1 კვერცხის გული
  • 1/2 ს.კ. მარილი
  • 30 გ კარაქი

მომზადება:

პირველად მოამზადეთ მარინადი ქათმის ფილესთვის: ერთმანეთში კარგად აურიეთ პაპრიკა, მწარე წითელი წიწაკის ფხვნილი, მსხვილად დაფქული წიწაკა, დანაყული  ნიორი, გატარებული ან დაბლენდერებული ხახვი, ფქვილი, ცხარე კეტჩუპი, დამდნარი კარაქი და ხრეში მარილი. მიღებული მასა კარგად შეაზილეთ ქათმის ფილეს, მოაყარეთ ახლად დაფქვილი შავი პილპილი და შედგით მაცივარში მინიმუმ 3 საათის განმავლობაში.

აირღუმელი გაახურეთ 180 გრადუსამდე. თუნუქის ფურცელს მოასხით ცოტა ზეთი (ბევრი არაა საჭირო, რადგან მარინადს ისედაც აქვს კარაქი) და დაალაგეთ ქათმის ფილეს ნაჭრები. გამოაცხვეთ დაახლოებით 30 წუთის განმავლობაში, სანამ  კარგად არ დაიბრაწება.

სანამ ქათმის ფილე მზადდება, წვრილად დაჭერით მწვანე წიწაკა, სალათის ფოთლები და პომიდორი. მოასხით ზეთი, მოაყარეთ მარილი და კარგად აურიეთ.

შებრაწული ქათმის ფილე გამოიღეთ აირღუმელიდან, წვრილად დაჭერით და აურიეთ.

მოამზადეთ ცომი მითითებული ინგრედიენტებისგან (ხორბლის ფქვილი, სიმინდის ფქვილი, 1 მთლიანი კვერცხი + კვერცხის გული, ზეთი, მარილი, წყალი). უნდა გამოვიდეს დაახლოებით ისეთივე მაგარი ცომი, როგორიც ხინკლის მოსამზადებლად არის საჭირო. 

ცომი დაჭერით 4-5 ნაჭრად და გააბრტყელეთ დაახლოებით 2 მილიმეტრის სისქეზე.

ფართო ტაფაზე (სასურველია ოთხკუთხა ფორმის) მოაყარეთ ცოტა ფქვილი და გამოაცხვეთ პურები ორივე მხრიდან (ასეთი თხელი პური ტაფაში უკეთესად მზადდება, ვიდრე აირღუმელში). ჩვეულებრივ, თხელი პურის გამოცხობას 4-6 წუთზე მეტი არ სჭირდება.

მზა პურებს გადმოღებისთანავე ორივე მხრიდან წაუსვით კარაქი, გაუკეთეთ გულსართი და შეახვიეთ.

გემრიელად მიირთვით!