Tag Archives: ტარტის ცომი

ფრანგული ლიმონის ტარტი

7ინგრედიენტები ცომისთვის:

  • 220 გ ფქვილი
  • 130 გ კარაქი
  • 1 კვერცხის გული
  • 70 გ შაქარი
  • 1 ს.კ. ლიმონის ცედრა
  • მწიკვი მარილი
  • ვანილი

ინგრედიენტები გულსართისთვის:

  • 2 ლიმონის წვენი
  • 2 ლიმონის ცედრა
  • 200 გ შაქარი
  • 4 კვერცხის გული
  • 30 გ კარაქი
  • 100 მლ ცხიმიანი ნაღები
  • 3 ს.კ. შედედებული რძე
  • შაქრის პუდრა ტარტზე მოსაყრელად

მომზადება: 

ფქვილი, შაქარი და მარილი აურიეთ.  ცივი კარაქი ამოავლეთ ფქვილში და ჩათალეთ ფქვილში. დაუმატეთ კვერცხის გული. კარგად ასრისეთ ხელით. მიღებული ფხვიერი მასა დააგუნდავეთ და შეინახეთ მაცივარში 20-25 წუთის განმავლობაში. 

სანამ ცომი მაცივარშია, მოამზადეთ გულსართი: ლიმონის წვენი, ცედრა, შაქარი და კვერცხის გული ათქვიფეთ მიქსერით. დაამატეთ კარაქი, ნაღები, შედედებული რძე და გააგრძელეთ თქვეფა არანაკლებ 10 წუთისა. 

გაახურეთ აირღუმელი 180 გრადუს ტემპერატურაზე.

გააბრტყელეთ ცომი და ჩააფინეთ ფორმაში. 

ცომს ზემოდან დააფინეთ ალუმინის ფოლგა და დაადეთ ბრტყელი, თხელი ცეცხლგამძლე თეფში ან პატარა მრგვალი ლანგარი (თიხის, ლითონის). რაიმე სიმძიმის დადება იმისთვისაა საჭირო, რომ ცხობისას ცომს ამოფუებისა და ფორმის დაკარგვის საშუალება არ მიეცეს. ზოგი ფოლგაზე მარცვლეულს (მაგ.: ბრინჯი, ლობიო, მუხუდო და სხვ.) ან ხურდებსაც კი ყრის, რაც ასევე ეფექტურია. კიდევ ერთი – თეფში (ან მარცვლეული) ძალიან მძიმეც არ უნდა იყოს 😉

ამის შემდეგ ფორმა შედგით აირღუმელში. დაახლოებით 15-17 წუთის შემდეგ ნახევრად გამომცხვარი ტარტი გამოიღეთ და გაუკეთეთ გულსართი.

ტემპერატურა შეამცირეთ და შეაბრუნეთ ტარტი აირღუმელში კიდევ 20-25 წუთით.

მომზადებული ტარტი შეაგრილეთ და მოაყარეთ შაქრის პუდრა.

გემრიელად მიირთვით!

Advertisements

ალუბლის ტარტი

58ინგრედიენტები ცომისთვის:

  • 330 გ ფქვილი
  • 220 გ ნაღების კარაქი
  • 0,5 ჩ.კ. მარილი
  • 1 ს.კ. შაქარი
  • 4 ს.კ. წყალი
  • 1 კვერცხის გული

ინგრედიენტები გულსართისთვის:

  • 500 გ ალუბალი კურკის გარეშე
  • 190 მლ წყალი
  • 100 გ შაქარი
  • 2 ს.კ. სახამებელი

მომზადება

ჯამში მოათვსეთ ფქვილი, დანით ჩაათალეთ ნაღების კარაქი, დაუმატეთ შაქარი, მარილი და წყალი. კარგად აურიეთ და მოზილეთ. შემდეგ ხელით შეკარით ცომი და გააკეთეთ გუნდა. ცომს გადააფარეთ ცელოფანი და შეინახეთ მაცივარში 1 საათის განმავლობაში.

ქვაბში ჩაასხით 190 მლ წყალი და აადუღეთ; ჩაყარეთ ალუბალი და ხარშეთ 10 წუთი დაბალ ტემპერატურაზე. ნელ-ნელა დაამატეთ შაქარში შერეული სახამებელი და თან მუდმივად ურიეთ.

გააგრძელეთ მორევა კიდევ 6-7 წუთის განმავლობაში (ისევ დაბალ ცეცხლზე). უნდა მიიღოთ ჟელეს მსგავსი მასა.

ალუბალი გადმოიღეთ გაზქურიდან და გააცივეთ.

ცომი გამოიღეთ მაცივრიდან და გაყავით ორ ნაწილად – 5/6 – 1/6-ზე.

დიდი ზომის ცომი გააბრტყელეთ ფქვილმოყრილ დაფაზე და მოათავსეთ ფქვილმოყრილ ფორმაზე და კარგად მიამაგრეთ კიდეებზე. ცომი დაჩხვლიტეთ ჩანგლით. დარჩენილი ცომიც გააბრტყელეთ თხლად და დაჭერით ზოლებად.

ცომიან ფორმაში ჩაასხით ალუბლის ნარევი. ცომის “ზოლები” ჯვარედინად დააფინეთ ტარტზე და წაუსვით 1 ს.კ. წყალთან ერთად მოთქვეფილი კვერცხის გული.

გამოაცხვეთ 200 გრადუსზე, სანამ ცომი არ გახდება ოქროსფერი.

გემრიელად მიირთვით!