Tag Archives: სპაგეტი

სპაგეტისა და ბოსტნეულის სუპი

101_0997

ინგრედიენტები 4 პორციისთვის:

  • 4 კვერცხი
  • 1 სტაფილო
  • 2 კიტრი
  • 160 გ ყველი
  • 100 გ სპაგეტი
  • 1 ლ ბულიონი
  • 4 ს.კ. არაჟანი
  • 1 თავი ხახვი
  • 2 კბ ნიორი
  • მარილი
  • 1  დაფნის ფოთოლი
  • 10 გ კარაქი

მომზადება: 

ქათმის ან საქონლის ხორცის ბულიონში ჩადეთ მთლიანი ხახვი, 2 კბ ნიორი, ნაღების კარაქი და დაფნის ფოთოლი, დაუმატეთ მარილი და წამოადუღეთ.

ადუღებულ ბულიონში ჩაყარეთ სპაგეტი და მოხარშეთ.

როდესაც სპაგეტი მოიხარშება, მოხარშული ხახვი, ნიორი და დაფნა შეგიძლიათ ამოიღოთ ქვაბიდან – ეს პროდუქტები სუპისთვის აღარ არის საჭირო.

101_0985

კვერცხი მოხარშეთ, დაჭერით ყველი, კიტრი და სტაფილო. ინგრედიენტები გაყავით ოთხ ნაწილად (4 პორციისთვის). 

ღრმა თეფშში ჩააწყვეთ ოთხად გაჭრილი მოხარშული კვერცხი, დაჭრილი ყველი, კიტრი და სტაფილო, 1 ს.კ. არაჟანი.

101_0988

თეფშებში გადაიტანეთ სპაგეტის ცხელი სუპი და ფრთხილად მოურიეთ, რომ კვერცხი არ ჩაიშალოს.

გემრიელად მიირთვით!

101_1000

 

არაჟანში გამომცხვარი სოკო

a

თუ სოკო გიყვართ, ალბათ, გიცდიათ მისი მრავალნაირად მომზადება – დაწყებული სოკოს სუპით, დამთავრებული სოკოს ჟულიენით. სოკოს ჟულიენი… ალბათ არ არსებობს ადამიანი, რომელსაც შეუძლია უარი თქვას ამ სურნელოვან და არაჩვეულებრივად გემრიელ საჭმელზე!

სწორედ სოკოს ჟულიენის მოტივებზე მზადდება სოკო ნაღების სოუსში. მომზადების წესითაც ეს ორი კერძი ძალიან გავს ერთმანეთს.

სოკო არაჟნის სოუსში  ძალიან ნაზი და გემრიელი გამოდის. რა თქმა უნდა, თუ გინდათ, ბოლოს შეგიძლიათ  გახეხილი ყველი დაამატოთ, რათა კერძმა მოწითალო საფარი გაიკეთოს.

არაჟანში გამომცხვარი სოკოს მირთმევა ცალკეც შეიძლება და ვთქვათ, კარტოფილის პიურესთან ან სპაგეტის გარნირთან ერთად. თუმცა სუფრაზე მიტანის დროს სოკოს და გარნირს ერთ თეფშზე ნუ მოათავსებთ. უმჯობესია, კერძი იმავე ჭურჭლით მიიტანოთ, რაშიც მომზადდა.

ინგრედიენტები:

  • 450 გ ქამა სოკო (ან პორტაბელო)
  • 200 გ ხახვი
  • 200 მლ არაჟანი
  • 10 გ კამა
  • 2 კბილი ნიორი
  • 2 კვერცხი
  • 6 ს/კ ზეთი
  • შავი პილპილი
  • მარილი

მომზადება:

სოკო კარგად გარეცხეთ და დაჭერით თხელ ნაჭრებად. მოზრდილ ნაჭრებად დაჭერით ხახვი.

ტაფაზე გააცხელეთ ზეთი, ჯერ ხახვი მოშუშეთ ოდნავ შეწითლებამდე, შემდეგ დაამატეთ სოკო, მარილი და პილპილი.

ნიორი და კამა  დაჭერით წვრილად.

შეურიეთ ერთმანეთს არაჟანი (ნაღებიც შეიძლება), კვერცხი და ნიორი; დაუმატეთ ოდნავ შეგრილებული სოკო და კარგად აურიეთ.

ინგრედიენტები მოათავსეთ პორციულ ფორმებში და გამოაცხვეთ 10-15 წუთის განმავლობაში 180 გრადუსამდე გახურებულ აირღუმელში.

მზა კერძს მოაყარეთ კამა და გემრიელად მიირთვით!