Tag Archives: სისხლნაკლულობა

ბადრიჯანი – ბერძნული „შეშლილობის ვაშლი”

სხვადასხვა კვლევებით დადგენილია, რომ ძველი ბერძნები, რომელთაც არაერთხელ უნახავთ ბადრიჯანი თავიანთ ბაღ–ბოსტნებში, მეწამულ ნაყოფს „შეშლილობის ვაშლს“ უწოდებდნენ და დარწმუნებული იყვნენ, რომ ამ ნაყოფის შეჭმა ჭკუიდან შეშლიდათ. ბადრიჯნის გასინჯვა ევროპელებმა მხოლოდ ამერიკის აღმოჩენის შემდეგ გაბედეს. საქმე ისაა, რომ ევროპელმა მოგზაურებმა ნახეს, როგორ მოყავთ ამერიკელ ინდიელებს ბადრიჯანი და რა სიამოვნებით მიირთმევენ მეწამული ნაყოფისგან დამზადებულ კერძებს, თანაც მათ გონებას არაფერი ემართებოდა.

eggplant-harvest

ლეგენდის მიხედვით, ერთმა თურქმა იმამმა გონება დაკარგა, როცა პირველად ბადრიჯნისგან დამზადებული კერძი გასინჯა. სავარაუდოდ, საჭმელი ისეთი გემრიელი იყო, რომ გრძნობების მოჭარბებისგან ემოციურ თურქს უბრალოდ გული წაუვიდა.

ბადრიჯანში გარკვეული ოდენობით C ვიტამინია, რომელსაც თქვენი გაციებისა და ინფექციებისგან დაცვა შეუძლია და თუმცა ასკორბინის მჟავის შემცველობით ბადრიჯანი ლიმონთან ან შავ მოცხართან ახლოსაც ვერ მივა, მაგრამ C ვიტამინის დამატებითი პორცია ორგანიზმისთვის ზედმეტი არასდროს არის. გარდა ამისა, ბადრიჯნის ნაყოფში საკმაოდ ბევრი B ჯგუფის ვიტამინია, რაც ამაგრებს ნერვულ სისტემას, ებრძვის დეპრესიასა და უძილობას და ასევე ეხმარება კანს ტენის შეწოვაში, რაც თავის მხრივ, სახის კანს ნაადრევი ნაოჭების გაჩენისგან იცავს. ამასთან ბადრიჯანში შემავალი სხვა ნივთიერებები კანის ქსოვილებს აღადგენს და ჭრილობების მოშუშებასაც კი უწყობს ხელს.

eggplant-6

ბადრიჯანი მდიდარია მანგანუმით, რკინითა და თუთიით, ამიტომაც მისი მიღება რეკომენდებულია სისხლნაკლულობის დროს. ბადრიჯანი სასარგებლოა გულისა და სისხლძარღვთა სისტემის პრობლემების მქონეთათვისაც, რადგან მასში შემავალი ნივთიერებები ორგანიზმში ქოლესტერინის დონის შემცირებას უწყობს ხელს. გარდა ამისა, ბადრიჯნის ნაყოფში არსებული კალიუმის მარილები გულის მუშაობას აუმჯობესებს და ორგანიზმიდან ზედმეტი სითხის გამოყოფას ეხმარება და შესაბამისად, ბადრიჯანის ხშირად მირთმევა რეკომენდებულია ხანშიშესული ადამიანებისთვის, რომლებსაც გულ–სისხლძარღვთა დაავადებები აწუხებთ, განსაკუთრებით, გულის მუშაობს დარღვევით გამოწვეული გაჟონვის შემთხვევებში.

eggplant-flower

დიეტოლოგები კი ბადრიჯანს ზედმეტ კილოგრამებთან დამშვიდობების თითქმის ყველაზე საუკეთესო საშუალებად მიიჩნევენ. ამ ძვირფასი ბოსტნეულის 100 გრამში მხოლოდ 28 კილოკალორიაა, გარდა ამისა, ბადრიჯანი მდიდარია უჯრედისით, რომელიც ორგანიზმს შლაკებისა და ზედმეტი სითხის გამოდევნაში ეხმარება. ერთადერთი „მაგრამ“: შეწვისას ბადრიჯანი იოლად იწოვს ცხიმს, ამიტომაც ბადრიჯნისგან მომზადებული კერძი, შესაძლოა, ზედმეტად ცხიმიანი გამოვიდეს. თუმცა თუ დაჭრილ ბადრიჯანს 10 წუთით ცივ წყალში ჩააწყობთ, ის შეწვის დროს ცხიმს ნაკლებად შეიწოვს.

eggplant-5

ბადრიჯანი ძალიან დაეხმარება მათ, ვინც მოწევისთვის თავის დანებებას გეგმავს, რადგან ამ ბოსტნეულში დიდი ოდენობითაა PP ვიტამინი ანუ ნიკოტინის მჟავა.

ბადრიჯნის ყიდვისას უპირატესობა ახალგაზრდა ნაყოფს უნდა მიანიჭოთ. საქმე ისაა, რომ ბადრიჯანი შეიცავსeggplant-3ნივთიერება სოლანინს, რითიც მისი ოდნავ მომწარო გემო აიხსნება. მწიფე ნაყოფში სოლანინი საკმაოდ ბევრია, ამ ნივთიერების დიდი ოდენობით მიღებას კი საყლაპავის გაღიზიანება და კუჭის პრობლემების გამოწვევა შეუძლია. ბადრიჯნის „ასაკის“ განსაზღვრა მისი კანითა და ყუნწით შეიძლება. მოყავისფრო ყუნწი მეტყველებს, რომ ნაყოფი დიდი ხნის წინ დამწიფდა, ახალგაზრდა ბადრიჯანზე არ არის მოყავისფრო ლაქები. ბადრიჯანი არ უნდა იყოს რბილი და სლიპინა, კანი კი დანაოჭებული და მშრალი არ უნდა ქონდეს. თუ მაინც არ ხართ დარწმუნებული, რომ სწორი არჩევანი გააკეთეთ, ყოველი შემთხვევისთვის, მომზადების წინ ბადრიჯანი 3%–იან მარილიან წყალში ჩადეთ – ამ მეთოდით ნაყოფიდან სოლანინის საკმაო რაოდენობა გამოიდევნება.

პომიდორი – ბუნებრივი ანტიდეპრესანტი

tomatoes2

პომიდორი – კენკრა, რომელსაც ჩვენ ბოსტნეულს ვუწოდებთ, მთელი წლის განმავლობაში სუფრის უცვლელი წევრია. პომიდორისგან კეთდება არაჩვეულებრივი სალათები, სუპები, ის სხვადასხვა კერძებისა და სოუსების შემადგენლობაშიც შედის. შესაძლებელია პომიდვრის ფარშირება, დამჟავება, შეწვა. პომიდვრისგან მზადდება შესანიშნავი წვენი და მურაბაც კი.

პომიდვრის შემადგენლობა და კალორიულობა

პომიდორი ძაღლყურძენათა ოჯახის ბალახოვანი მცენარეა. ამ კენკრის სამშობლო სამხრეთ ამერიკა გახლავთ.

ამ პროდუქტის შემადგენლობა ძალიან მრავალფეროვანი და სასარგებლო ვიტამინებით მდიდარია. მასში შედის ვიტამინები B1, B9, B2, B6, A, K, E, დიდი ოდენობიათ C ვიტამინი, მინერალური მარილები: რკინა, ორგანიზმისთვის აუცილებელი იოდი, მაგნიუმი, მარგანეცი, თუთია და სხვ. პომიდორში არის ასევე ფრუქტოზა და გლუკოზა, თუმცა, მცირე ოდენობით. ლიმონის, ღვინის, ვაშლის ორგანული მჟავები და სხვადასხვა მინერალები პომიდორს მეტად სასარგებლო საკვებ პროდუქტად აქცევს.

tomatoes5

პომიდვრის წითელი ფერი მასში შემავალი ანტიოქსიდანტის – ლიკოპენის დამსახურებაა. ამ ძლიერ ანტიოქსიდანტს სიმსივნის საწინააღმდეგო მოქმედება აქვს და ასევე აბრკოლებს გულ-სისხლძარღვთა სისტემის დაავადებათა განვითარებას. ლიკოპენს საუკეთესო შედეგი მცენარეულ ზეთთან ტანდემში აქვს, რადგან ცხიმის დახმარებით ორგანიზმი ამ ანტიოქსიდანტს უფრო კარგად ითვისებს. გარდა ამისა, პომიდორს ანტიბაქტერიული და ანთების საწინააღმდეგო ეფექტი აქვს, რადგან ფიტონციდებს შეიცავს.

tomatoes8

კვების რაციონში პომიდვრის რეგულარული ჩართვა სისხლში ქოლესტერინის დონის დაწევაში, ნივთიერებათა ცვლის დარღვევის ნორმალიზებაში დაგეხმარებათ, განწყობას გაგიუმჯობესებთ და კუჭ-ნაწლავის ტრაქტის მოქმედებას დაარეგულირებს. მისი მოხმარება სისხლში შაქრის დონის სტაბილიზაციის გარანტიაა.

პომიდორი სასარგებლოა სისხლნაკლულობის დროს, ზოგადი სისუსტისას, დაცემული მჟავიანობის. გასტრიტის დროს და თირკმელების სხვადასხვა დაავადებისას.

პომიდორი, როგორც წესი, წითელ ფერთან ასოცირდება, ამ დროს კი ის შეიძლება იყოს ყვითელი, ვარდისფერი, მწვანე, თეთრი და ლურჯიც კი.

tomatoes6

პომიდვრის კალორიულობა და ტომატის წვენი

პომიდორი და მისი წვენი გახდომის მსურველთათვის შეუცვლელი დამხმარეა. მისი კალორიულობა ხომ პროდუქტის 100 გრამზე სულ რაღაც 20-25 კილოკალორიაა.

პომიდორი სწრაფად ანაყრებს ორგანიზმს, მასში შემავალი „ფარული სითხის“ წყალობით პროდუქტს ბევრს ვერ მიირთმევთ. პომიდორი ამცირებს შიმშილის გრძნობას და ძალიან კარგად მოქმედებს ორგანიზმის ცვლის პროცესებზე. ამიტომაც ზედმეტ წონასთან გამოთხოვების მსურველთათვის რეკომენდებულია განტვირთვის დღეების პომიდვრით მოწყობა, როცა საჭიროა ერთი ლიტრი ახლადგაწურული პომიდვრის წვენის დალევა ან ორ კილოგრამამდე პომიდვრის 5–6 ნაწილად მირთმევა.

tomatoes7

სამკურნალო თვალსაზრისით პომიდორი შეუცვლელია ღვიძლის დაავადებებისას. სისხლის გასაუმჯობესებლად რეკომენდებულია ტომატის წვენის მიღება, მხოლოდ წვენი აუცილებლად ახლადგაწურული უნდა იყოს. სასარგებლოა პომიდორი გულ–სისხლძარღვთა დაავადებებისას, ის საგრძნობლად ამაგრებს ძარღვების კედლებს, ხელს უწყობს სისხლის სწორ მიმოქცევას, კურნავს თავის ტკივილს, ზრდის სეროტონინის დონეს. პომიდვრის მიღება რეკომენდებულია საჭმლის მომნელებელი სისტემის დარღვევებისას. ის ნერვულ სისტემასაც ამშვიდებს. პომიდვრის ხშირი მირთმევა მამაკაცებში პროსტატის დაავადების რისკს ამცირებს. პომიდორი თერმული და მზის დამწვრობის დროს სამკურნალო მიზნით გამოიყენება.

პროფილაქტიკის ან ზოგიერთი დაავადების მკურნალობის მიზნით პომიდვრის მიღებისას უნდა გახსოვდეთ, რომ მისი სასარგებლო თვისებების განეიტრალება სახამებლისა და ცილების მაღალი შემცველობის საკვებს შეუძლია.

და კიდევ – პომიდორი ძლიერი ბუნებრივი ანტიდეპრესანტია.

tomatoes9

უკუჩვენებები

ამდენი სასარგებლო თვისების მიუხედავად, პომიდვრის მოხმარებას უკუჩვენებებიც აქვს.

პირველ რიგში, პომიდვრის მირთმევისას ფრთხილად უნდა იყვნენ მომატებული მჟავიანობის, გასტრიტისა და კუჭის წყლულის მქონე ადამიანები.

tomatoes10

ნუ გაგიტაცებთ პომიდორი და მისი წვენი, თუ ნაღვლის ბუშტში კენჭები გაქვთ.  პომიდვრის წვენი მხოლოდ ჭამის შემდეგ დალიეთ, არავითარ შემთხვევაში ცარიელ კუჭზე. გულ-სისხლძარღვთა და თირკმლის დაავადებებისა და ჰიპერტონიის დროს ერიდეთ კონსერვირებული პომიდვრის მირთმევას.

tomatoes1