Tag Archives: სალათის მომზადება

ბოსტნეულის სალათი ძმრით

4

ინგრედიენტები:

  • 1/2 თავი კომბოსტო
  • 1 დიდი სტაფილო
  • 2 წითელი ტკბილი წიწაკა
  • 25 გ მწვანე ქინძი
  • მარილი
  • 4 ს.კ. თეთრი ღვინის ძმარი
  • 2 ს.კ. ზეითუნის ზეთი

მომზადება: 

სტაფილო და კომბოსტო დაჭერით თხელ ნაჭრებად. ტკბილ წიწაკას გამოაცალეთ თესლი და ისიც დაჭერით თხელ, მოგრძო ნაჭრებად. ინგრედიენტები მოათავსეთ სასალათეში, მოაყარეთ მწვანე ქინძის ფოთლები, მარილი და აურიეთ. 

ძმარი და ზეთი აადუღეთ პატარა ქვაბში. ოდნავ შეაგრილეთ, მოასხით სალათს და აურიეთ ხის კოვზით. გააჩერეთ დაახლოებით 20 წუთი და გემრიელად მიირთვით!

🙂 🙂 🙂

ბოსტნეულისა და ვაშლის სალათი

aaa

ინგრედიენტები:

  • 25 სალათის ფოთოლი
  • 2 საშუალო ზომის სტაფილო
  • 1/5 თავი ყვავილოვანი კომბოსტო
  • 1/2 თავი წითელი კომბოსტო
  • 80 გ გოგრის მოხალული მარცვლები
  • 1 მჟავე ვაშლი
  • 3-4 ღერი მწვანე ხახვი

ინგრედიენტები სოუსისთვის:

  • 1,5 ს.კ. მაიონეზი
  • 1 ს.კ. ყავისფერი შაქარი
  • 1/4 ჩ.კ. მდოგვი
  • 3 ს.კ. ვაშლის ძმარი
  • 1 ს.კ. ზეითუნის ზეთი
  • მარილი

მომზადება:

სალათის ფოთლები გარეცხეთ და ხელით დახიეთ; სტაფილო დაჭერით თხელ, გრძელ ნაჭრებად, წითელი კომბოსტო დაჭერით თხლად, ვაშლი – ოთხკუთხედ ნაჭრებად. დაჭერით მწვანე ხახვიც.

ქვაბში აადუღეთ წყალი, დაუმატეთ მარილი და ჩააგდეთ ყვავილოვანი კომბოსტო. ადუღეთ 8-10 წუთის განმავლობაში. შემდეგ წყალი გადაწურეთ, ყვავილოვანი კომბოსტო შეაგრილეთ და ყვავილედები ხელით დაანაწევრეთ.

ჩამოთვლილი ინგრედიენტები მოათავსეთ სასალათეში, დაუმატეთ გოგრის მოხალული მარცვლები და ფრთხილად აურიეთ.

მოამზადეთ სოუსი: მაიონეზი, ყავისფერი შაქარი, მდოგვი, ვაშლის ძმარი, ზეითუნის ზეთი და მარილი მოათავსეთ ცალკე ჭურჭელში და კარგად ათქვიფეთ.

სოუსი სალათს მხოლოდ სუფრაზე მიტანის წინ მოასხით და ფრთხილად აურიეთ.

გემრიელად მიირთვით!