Tag Archives: რეცეპტები

სოუსი ცეცხლიჭამიებისთვის

ცხარე სოუსი, რომელიც ძალიან უხდება ზღვის პროდუქტების, ღორისა და ქათმის ხორცისგან მომზადებულ კერძებს, განსაკუთრებით, თუ ამ კერძებს კარტოფილის ან სპაგეტის გარნირით მიირთმევთ. მარტივი მოსამზადებელია და კარგად ინახება რამდენიმე დღის განმავლობაში. კარგი იქნება თუ სოუსის მოსამზადებლად ხარისხიან ძმარსა და სოიოს სოუსს გამოიყენებთ. იაფფასიანი სოიოს სოუსები არ გამოგადგებათ.

ინგრედიენტები:

  • 2 ს/კ მსხვილად დაფქვილი წითელი მწარე წიწაკა
  • 1 ჩ/კ წითელი წიწაკის ფხვნილი
  • 1 ჩ/კ შავი პილპილი
  • 1 ს/კ ღვინის ძმარი ან ბალზამიკო
  • 4 ს/კ ზეითუნის ან მზესუმზირის ზეთი
  • 2 ს/კ სოიოს სოუსი
  • 0,5 ჩ/კ დაფქვილი კოწახური.

მომზადება:

მსხვილად დაფქვილ წითელ წიწაკას დაასხით ზეთი და დატოვეთ 1 საათის განმავლობაში. შემდეგ დაუმატეთ დანარჩენი ინგრედიენტები: შავი და წითელი პილპილი, ძმარი, სოიოს სოუსი და კოწახური. ყველაფერი ეს კარგად ათქვიფეთ. თავისთავად სოიოს სოუსი საკმაოდ მლაშეა, ამიტომ მარილის დამატება აღარ დასჭირდება.

მიღებული ნარევი გააჩერეთ ნახევარი საათის განმავლობაში, რათა ინგრედიენტები კარგად შეერიოს ერთმანეთს. სოუსი შეინახეთ მაცივარში.

Advertisements

ბროკოლისა და კარტოფილის სუპი სიმინდით

ინგრედიენტები:

  • 500 გ წითელი კარტოფილი;
  • 300 გ ბროკოლი;
  • 1 თავი ხახვი;
  • 400 გ არაჟანი;
  • 100 გ დარბილებული კარაქი;
  • 100 გ ყველი პარმეზანი;
  • 100 გ ტკბილი სიმინდი;
  • 30 გ მწვანე ქინძი;
  • მარილი.

მომზადება: 

წითელი კარტოფილი (სასურველია მცირე ზომის) გარეცხეთ, კარგად გახეხეთ, მოხარშეთ ნახევრად და წყალი გადაღვარეთ. 3 კარტოფილს გააცალეთ კანი, დანარჩენი დაჭერით საშუალო ზომის ნაჭრებად, გადაიტანეთ ქვაბში, დაამატეთ ორად გაჭრილი ხახვი და ხარშეთ კიდევ 10 წუთი საშუალო ტემპერატურაზე. ამის შემდეგ გაზქურა გამორთეთ, 3 კანგაცლილი კარტოფილი ამოიღეთ და მოამზადეთ პიურე, დაჭრილი კარტოფილი კი დატოვეთ ნახარშ წყალში.

არაჟანი და დარბილებული კარაქი ათქვიფეთ კოვზით და ჯერ 3 კარტოფილის პიურე შეურიეთ, შემდეგ კი კარტოფილის ნახარში წყლის ნაწილი და გახეხილი პარმეზანი. მიღებული მასა ნელ-ნელა დაასხით მოხარშულ დაჭრილ კარტოფილს, დაუმატეთ ბროკოლის დანაწევრებული ყვავილედები, კონსერვირებული ტკბილი სიმინდი, მარილი და წამოადუღეთ. ხარშეთ დაახლოებით 5-6 წუთი.

ბოლოს მოაყარეთ წვრილად დაჭრილი მწვანე ქინძი და გემრიელად მიირთვით!

10