Tag Archives: პორტაბელო

სოკო ყველით და ისპანახით

ინგრედიენტები:

  • 500 გ სოკო პორტაბელო (მხოლოდ ქუდები);
  • 300 გ ფეტა;
  • 200 გ ისპანახი;
  • 1 კვერცხი;
  • 15 გ მწვანე ქონდარი;
  • 30 გ დარბილებული კარაქი;
  • 4 ღერი მწვანე ხახვი;
  • შავი პილპილი;
  • 6-7 ს.კ. ზეითუნის ზეთი.

მომზადება:

ისპანახს მოაშორეთ ღეროები და მოხარშეთ მარილიან წყალში 5 წუთის განმავლობაში. გადმოღეთ თუშფალანგზე, გადაწურეთ და როდესაც შეგრილდება, ხელითაც გაწურეთ.

გაწურული ისპანახი და მწვანე ხახვი დაჭერით წვრილად. ჩაახალეთ კვერცხი, დაამატეთ ფეტა, დარბილებული კარაქი, დანაყული ქონდარი და ხელით კარგად ასრისეთ.

თუნუქის ფურცელზე მოასხით ზეითუნის ზეთი, დაალაგეთ სოკოს ქუდები და შედგით აირღუმელში 20 წუთის განმავლობაში დაბალ ტემპერატურაზე. ამის შემდეგ თითოეულ სოკოზე კოვზით მოათავსეთ ფეტასა და ისპანახის ნაზავი, შეაბრუნეთ აირღუმელში 5-7 წუთით. 

მზა სოკოს მოაყარეთ ახლად დაფქული შავი პილპილი და გააფორმეთ მწვანე ხახვით ან/და ქონდრის ღეროებით.

1-3

ქათმის სალათი ბავარიული კეტჩუპით

8

ინგრედიენტები: 

  • 250 გ ქათმის ფილე
  • 2 ნაჭერი პური
  • 100 გ სალათის ფოთლები
  • 50 გ კონსერვირევული ტკბილი სიმინდი
  • 6-7 ქამა სოკო პორტაბელო
  • 1 კიტრი
  • 3-4 ღერი ოხრახუში
  • 1 თხელი ლავაში (არ არის სავალდებულო)
  • მზესუმზირის ზეთი
  • მარილი
  • კეტჩუპი

მომზადება: 

სოკო მოხარშეთ და დაჭერით მცირე ზომის ნაჭრებად. ასევე დაჭერით სალათის ფოთლები, კიტრი და ოხრახუში, დაუმატეთ სიმინდის მარცვლები, სოკო და მარილი; მოასხით 1 ჩ.კ. ზეთი, 1 ჩ.კ. კეტჩუპი და აურიეთ ხის კოვზით.

ქათმის ფილეს მოაყარეთ ცოტა მარილი და შეწვით ზეთიან ტაფაზე. შემწვარი ხორცი ოდნავ შეაგრილეთ, დაჭერით თხელ, გრძელ ნაჭრებად და მოაწყვეთ სალათს ზემოდან.

პური დაჭერით კვადრატულ ნაჭრებად და შებრაწეთ იმავე ტაფაზე, რომელშიც ქათმის ფილე შეიწვა. თხელი ლავაში დაჭერით ზოლებად, დაალაგეთ ცეცხლგამძლე ჭურჭელზე და 6-7 წუთით შედგით 200 გრადუსამდე გახურებულ აირღუმელში.

შემწვარი პურისა და თხელი ლავაშის ნაჭრები მოაყარეთ სალათს. მოასხით ბავარიული კეტჩუპი და გემრიელად მიირთვით!

🙂 🙂 🙂