Tag Archives: პომიდორი

ქათმის ფილე არაჟანთან ერთად

Easy-Healthier-Crockpot-Butter-Chicken-10

ინგრედიენტები (4 პორციისთვის):

  • 600 გ ქათმის ფილე
  • 300 გ არაჟანი
  • 1 ხახვი
  • 40 გ კარაქი
  • 6 ს.კ. ზეთი
  • 3 კბ ნიორი
  • 1/2 ჩ.კ. ხმელი ქინძი
  • 1 პომიდორი
  • 6 ს.კ. თეთრი ღვინის ძმარი
  • 1 ჩ.კ. შაქარი
  • 1 ს.კ. ცხარე კეტჩუპი
  • წითელი წიწაკა
  • მარილი
  • 500 მლ წყალი
  • 150 გ ბრინჯი (გარნირისთვის)
  • 3-4 ღერი ოხრახუში
  • 400 გ მზა ფენოვანი ცომი

მომზადება:

ქათმის ფილე დაჭერით საშუალო ზომის ნაჭრებად, ჩალაგეთ ჭურჭელში.

მოამზადეთ მარინადი: ცალკე ჭურჭელში ჩასხით 200 მლ წყალი, დაამატეთ მარილი, შაქარი, ძმარი, 2 ს.კ. ზეთი, კეტჩუპი და კოვზით კარგად ათქვიფეთ. მიღებული ნაზავი მოასხით ქათმის ფილეს ნაჭრებს და შედგით მაცივარში 2 საათის განმავლობაში.

ქათმის ფილე მარინადთან მოხარშეთ ნახევრად თავღია ქვაბში, სანამ სითხე მთლიანად არ ამოშრება. ხანდახან მოურიეთ.

მოამზადეთ სოუსი: ხახვი დაჭერით და მოშუშეთ 3 ს.კ. ზეთში. 6-7 წუთში დაუმატეთ დაჭრილი პომიდორი და ისიც მოშუშეთ.

ხახვი და პომიდორი შეაგრილეთ, დააბლენდერეთ და გადაიტანეთ ცალკე ჭურჭელში. დაუმატეთ 300 მლ წყალი, არაჟანი, ხმელი ქინძი, დასრესილი ნიორი, წითელი წიწაკა, მარილი და კარგად ათქვიფეთ.

მიღებული მასა ნელ-ნელა დაასხით ქათმის ფილეს ნაჭრებს. დაამატეთ 1 ს.კ. ზეთი და კარაქი. დადგით დაბალ ცეცხლზე და მიიყვანეთ ადუღებამდე.

გარნირისთვის მოხარშეთ ბრინჯი მარილიან წყალში და გამოაცხვეთ პატარა პურები ფენოვანი ცომისგან.

კერძს მოაყარეთ დაჭრილი ოხრახუში და გემრიელად მიირთვით!

Advertisements

ბოსტნეულის ცხარე სუპი

00ინგრედიენტები:

  • 4 ბადრიჯანი
  • 3 კარტოფილი
  • 2 სტაფილო
  • 2 თავი ხახვი
  • 2 მწვანე ტკბილი წიწაკა
  • 2 დიდი პომიდორი
  • 1 ჩ.კ. ხმელი ქინძი
  • 0,5 ჩ.კ. უცხო სუნელი
  • 4 კბ ნიორი
  • 1 ს.კ. წითელი წიწაკა
  • 0,5 ჩ.კ. შავი პილპილი
  • მარილი
  • 3-4 ღერი რეჰანი და ოხრახუში
  • ზეთი

მომზადება:

ბადრიჯანი, კარტოფილი, ხახვი, სტაფილო, ტკბილი წიწაკა და პომიდორი დაჭერით საშუალო ზომის ნაჭრებად.

ქვაბში ჩაასხით 4-5 ს.კ. ზეთი, წამოადუღეთ, დაამატეთ ხახვი და მოშუშეთ მაღალ ტემპერატურაზე, ხშირად ურიეთ.

როდესაც ხახვი შეწითლდება, დაამატეთ სტაფილო, შეამცირეთ ტემპერატურა და გააგრძელეთ შუშვა 7-8 წუთი.

ქვაბში ჩაამატეთ დაჭრილი ბადრიჯანი და კარტოფილი, მოაყარეთ მარილი და დატოვეთ დაბალ ტემპერატურაზე 30 წუთის განმავლობაში. ხანდახან მოურიეთ.

ინგრედიენტების ნახევარი ამოიღეთ ქვაბიდან, დაასხით 100 გ წყალი და დააბლენდერეთ. მეორე ნახევარს კი დაუმატეთ დაჭრილი პომიდორი და ტკბილი წიწაკა და გააგრძელეთ შუშვა 5 წუთი. შემდეგ შეურიეთ დაბლენდერებული კარტოფილისა და სხვა ინგრედიენტების ნაზავი, ასევე 1 ლ წყალი. კარგად აურიეთ და წამოადუღეთ.

ბოლოს ქვაბში ჩაამატეთ ხმელი ქინძი, უცხო სუნელი, წითელი წიწაკა, შავი პილპილი, მარილი (თუ საჭიროა) და დასრესილი ნიორი. კარგად მოურიეთ და ადუღეთ საშუალო ტემპერატურაზე კიდევ 10 წუთი.

თეფშზე გადმოღების შემდეგ სუპს მოაყარეთ დაჭრილი ოხრახუში და რეჰანი.

გემრიელად მიირთვით!