Tag Archives: პაპრიკა

პასტა შებოლილი ქათმის ხორცით და პარმეზანით

25ინგრედიენტები: 
  • 300 გ მაკარონი
  • 2 თავი ხახვი
  • 250 გ სოკო
  • 2 კბ ნიორი
  • 1 ჩ.კ. პაპრიკა
  • 1/2 ს.კ. შავი პილპილი
  • 1 ჩ.კ. ტომატი
  • 300 გ შებოლილი ქათმის ფილე
  • 3 ს.კ. ფქვილი
  • 100 მლ არაჟანი
  • 2 კვერცხი
  • 100 გ პარმეზანი
  • 4 ს.კ. ზეითუნის ზეთი
  • 3-4 ღერი მწვანე ქინძი
მომზადება: 
მაკარონი მოხარშეთ მარილიან წყალში, გადაწურეთ თუშფალანგზე და გადაავლეთ ცივი წყალი.
აირღუმელი გაახურეთ 180 გრადუსამდე. ცეცხლგამძლე ჭურჭლზე მოასხით ზეითუნის ზეთი და გადაანაწილეთ მოხარშული მაკარონი.
შებოლილი ქათამი დაჭერით საშუალო ზომის ნაჭრებად და დააწყვეთ მაკარონზე.
მოამზადეთ სოუსი: სოკო და ხახვი დაჭრით წვრილად. ნიორი დანაყეთ. კვერცხი და არაჟანი ათქვიფეთ ერთად, დაუმატეთ სოკო, მარილი, პაპრიკა, ტომატი, შავი პილპილი, ფქვილი, დანაყილი ნიორი, დაჭრილი ხახვი, სოკო და კარგად აურიეთ.
სოუსი მოასხით მაკარონსა და ქათმს. გამოაცხვეთ დაახლოებით 20 წუთის განმავლობაში.
სუფრაზე მიტანის წინ დაახეხეთ პარმეზანი, მოაყარეთ დაჭრილი მწვანე ქინძი და გემრიელად მიირთვით!

პომიდორთან და ნუშთან ერთად გამომცხვარი ქათმის ბარკლები

79ინგრედიენტები:

  • 10 ბარკალი
  • 1 კგ პომიდორი ჩერი
  • 3 ბადრიჯანი
  • 3 ხახვი
  • 6-7 კბ ნიორი
  • 1 ს.კ. მწარე წითელი წიწაკა
  • 0,5 ს.კ. მდოგვი
  • 1 ჩ.კ. პაპრიკა
  • 1 ჩ.კ. ხმელი ქინძი
  • 2 ს.კ. ძმარი ბალზამიკო
  • 50 მლ ზეითუნის ზეთი
  • 60 გ ნუში
  • 10 გ რეჰანი
  • მარილი

მომზადება: 

ერთ ჭურჭელში მოათავსეთ მდოგვი, მწარე წიწაკა, პაპრიკა, ხმელი ქინძი, ძმარი და კარგად აურიეთ. ეს ნაზავი წაუსვით ქათმის ბარკლებს და შედგით მაცივარში 1 საათის განმავლობაში.

ბადრიჯანი გათალეთ და დაჭერით თხლად რგოლებად; ხახვი დაჭერით წვრილად; ნუში მოხალეთ და მოაშორეთ კანი.

გაახურეთ აირღუმელი 200 გრადუსამდე. მოზრდილ ცეცხლგამძლე ჭურჭელზე დაასხით ზეითუნის ზეთი, დაალაგეთ ბადრიჯანი. ძირი მთლიანად უნდა დაიფაროს. შემდეგ თანაბრად მოაყარეთ წვრილად დაჭრილი ხახვი და წინასწარ მოხალული ნუში. შემდეგ დაალაგეთ ქათმის ბარკლები და მათ შორის მჭიდროდ ჩააწყვეთ პომიდორი ჩერი. 

500 მლ წყალს (ან ბულიონს) დაუმატეთ დასრესილი ან წვრილად დაჭრილი ნიორი, მწარე წითელი წიწაკის ფხვნილი, მარილი და დაასხით ქათმის ბარკლებს.

გამოაცხვეთ 1 საათის განმავლობაში დაბალ ცეცხლზე. როდესაც მომზადდება, მოაყარეთ რეჰანის ფოთლები.

გემრიელად მიირთვით!