Tag Archives: მოხარშული კარტოფილი

კარტოფილის პიურეს ბურთულები ბეკონით

8ინგრედიენტები:

  • 3 დიდი კარტოფილი
  • 2 კვერცხი
  • 200 გ ბეკონი
  • 20 გ კარაქი
  • 3 ს.კ. არაჟანი
  • მარილი
  • შავი პილპილი
  • საფანელი
  • 100 გ ფქვილი
  • მზესუმზირის ზეთი

მომზადება

კარტოფილი გათალეთ, დაჭერით საშუალო ზომის ნაჭრებად და მოხარშეთ მარილიან წყალში.

ბეკონი დაჭერით წვრილ ად და მაღალ ცეცხლზე მოხრაკეთ 2-3 წუთის განმავლობაში.

მოხარშული კარტოფილი გადაიტანეთ ცალკე ჯამში, დაამატეთ კარაქი, არაჟანი და მოამზადეთ მკვრივი პიურე. დაუმატეთ შემწვარი ბეკონის ნაჭრები, შავი პილპილი, 1 კვერცხის ცილა და კარგად აურიეთ.

ათქვიფეთ 1 კვერცხის გული + 1 კვერცხი; ბეკონიანი პიურესგან დაამზადეთ ბურთულები და შეინახეთ მაცივარში 20 წთ ან საყინულეში 8-10 წთ; ქვაბში ჩაასხით ზეთი (2 სმ-ზე) და წამოადუღეთ.

ბურთულები ამოავლეთ ათქვეფილ კვერცხში, შემდეგ ფქვილში, შემდეგ ისევ კვერცხში და ბოლოს საფანელში. ჩაყარეთ პორცია-პორცია ადუღებულ ზეთში და შებრაწეთ მაქსიმუმ 2-3 წუთის განმავლობაში. 

შებრაწული ბურთულები ამოალაგეთ ქაღალდის ხელსახოცზე, რათა ზედმეტი ზეთი ჩამოიწუროს და გემრიელად მიირთვით!

პ.ს. ძალიან გემრიელია ნივრიანი არაჟნის საწებელასთან ერთად 🙂

სალათი ქათმის ღვიძლის პაშტეტით და მაიონეზით

82

ინგრედიენტები:

  • 300 გ კარტოფილი
  • 4 კვერცხი
  • 2 საშუალო ზომის სტაფილო
  • 150 გ ქათმის ან ინდაურის მზა პაშტეტი
  • 2-3 ღერი მწვანე ხახვი
  • 200 გ მაიონეზი
  • მარილი

მომზადება:

კარტოფილი, სტაფილო და კვერცხი მოხარშეთ;

მწვანე ხახვი დაჭერით წვრილად;

მოხარშული კვერცხი გააცივეთ და ისიც  წვრილად დაჭერით;

მაიონეზი გაყავით სამ ნაწილად.

მოხარშული კარტოფილი დახეხეთ (მსხვილი სახეხით) ლანგარზე, მოაყარეთ მარილი და გადაუსვით მაიონეზი;  შემდეგი ფენა იქნება დაჭრილი კვერცხი, პლუს მარილი და მაიონეზი, შემდეგ – პაშტეტი, ბოლოს კი მაიონეზში შერეული გახეხილი სტაფილო და მარილი.

თუ პაშტეტი მეტისმეტად მკვრივია, ცოტა მაიონეზი შეგიძლიათ შეურიოთ. სალათს მოაყარეთ წვრილად დაჭრილი მწვანე ხახვი, ცოტა ხნით შედგით მაცივარში და გემრიელად მიირთვით!