Tag Archives: კულინარია

შოკოლადის ფონდიუ

ტერმინი ფონდიუ წარმოდგება ფრანგული სიტყვისგან fondre, რაც დნობას ნიშნავს. ფონდიუ დღეისთვის ერთ-ერთი ყველაზე პოპულარული ეგზოტიკური დესერტია.

ფონდიუს მირთმევის პროცესი რიტუალივითაა, რომელიც აუჩქარებელ, მშვიდ საუბარს „ეხმარება“. შოკოლადის ფონდიუ რომანტიკული საღამოსთვის ყველაზე შესაფერისი დესერტია.

8

კლასიკური ფონდიუს ძირითადი კომპონენტი ყველია, შოკოლადის ფონდიუს მთავარი ინგრედიენტები კი – შოკოლადი და ნაღები. ყველაზე ხშირად შოკოლადის ფონდიუს მოსამზადებლად მწარე შოკოლადი (ის გაცხელებისას ყველაზე პლასტიურია) გამოიყენება, თუმცა, შეგიძლიათ რძიანი ან თეთრი შოკოლადითაც მოამზადოთ.

16

მომზადებულ შოკოლადს შეურევთ ნაღებს და ორთქლზე იქამდე გააცხელებთ, სანამ შოკოლადი და ნაღები მთლიანად არ შეერევა ერთმანეთს. ესაა ძირითადი მასალა, რომელზეც ექსპერიმენტები იქამდე შეგიძლიათ ატაროთ, სანამ არ მოგბეზრდებათ.

ახლა კი კლასიკური შოკოლადის ფონდიუს რეცეპტი ინგრედიენტების უბრალო ნაკრებით.

ინგრედიენტები:

150 გ მწარე შოკოლადი

150 გ 33%-იანი ნაღები

ხილი ან ბისკვიტი.

მომზადება:

შოკოლადის ფონდიუში ინდენად ცოტა ინგრედიენტებია, თითქოს ყველაფერი ძალიან იოლი უნდა იყოს, მაგრამ ყველა კერძის მომზადებას თავისი ნიუანსები აქვს და გამონაკლისი არც ფონდიუა.

პირველი ნიუანსი: დაასხით დატეხილ შოკოლადს ცივი ნაღები და ერთად მიიყვანეთ ადუღებამდე ორთქლზე და არა პირდაპირ ცეცხლზე. თუ შოკოლადს პირდაპირ ცხელ ნაღებს დაასხამთ, სქელ, მწებარე მასას მიიღებთ, ნაღები კი შესაძლოა აიჭრას. მომზადებას 2-3 წუთი სჭირდება. სასურველია ამ დროს შოკოლადიან მასას მუდმივად ურიოთ.

მეორე ნიუანსი: ყველის ფონდიუ იმავე ჭურჭლით შეგიძლიათ მიართვათ სტუმრებს, რომელშიც მოამზადეთ, შოკოლადის ფონდიუ კი მზადდება ორთქლზე, ემალის ჯამში, ხოლო სუფრაზე აუცილებლად თიხის ჭურჭლით უნდა მიიტანოთ, რადგან ძალიან ცხელ ფონდიუს არ აქვს შოკოლადის მაგიური არომატი. ამიტომაც გამზადებული შოკოლადის ფონდიუ მაშინვე უნდა გადაასხათ თიხის ჭურჭელში, რომელიც ქვემოდან სანთლით თბება. ამგვარად ჭურჭელი მუდმივ ტემპერატურას შეინარჩუნებს და შოკოლადი არ გამაგრდება.

14

მესამე ნიუანსი: ალკოჰოლი. შოკოლადის გემოს „შესავიწროვებლად“ და უფრო გაჯერებული არომატის მისაცემად ფონდიუს რამდენიმე კოვზი ლიქიორი ან კონიაკი უნდა დაუმატოთ.

სპირტის სუნმა შოკოლადის სუნი სულ რომ არ „ჩაყლაპოს“, ალკოჰოლი შოკოლადის ადუღების საწყის მომენტში უნდა ჩაუმატოთ. დუღილისას სპირტის სუნი ქრება და ფონდიუ მხოლოდ კონიაკის ან ლიქიორის მსუბუქ სურნელს შეინარჩუნებს.

გამზადებულ შოკოლადის ფონდიუსთან ერთად სუფრაზე ცალკე თეფშით ხილი, ბისკვიტი და თხილეული უნდა მიიტანოთ და აუცილებლად სპეციალური ჩანგლები.

ხილის სახეობა თქვენს გემოვნებაზეა დამოკიდებული. განსაზღვრა კი, რა ხილი აჯობებს, მარტივად შეგიძლიათ, უბრალოდ გაიხსენეთ, რომელი შიგთავსით გიყვართ შოკოლადის კანფეტები.

იდეალური კომბინაციები: ბისკვიტი, ფორთოხალი, მსხალი, მსუბუქი ზეფირი ან მარშმელოუ მწარე შოკოლადის ფონდიუსთან; შავი ქლიავი, ნიგვზიანი ბისკვიტი – რძიანი შოკოლადის ფონდიუსთან, კივი, ბანანი და ანანასი კი თეთრი შოკოლადის ფონდიუსთან. რაც შეეხება მარწყვს, ის ყველა ტიპის შოკოლადის ფონდიუს უხდება.

??????

თუ ბავშვებისთვის დაბადების დღის გამრავალფეროვნება გინდათ, ფორთოხლის ლიქიორის ნაცვლად შოკოლადში ფორთოხლის სიროფი დაამატეთ – ციტრუსისა და შოკოლადის ერთობლივი არომატი საზეიმო განწყობას ქმნის :)

უფროსებისთვის კი ფონდიუ რომანტიკული ვახშმის შესანიშნავი დამატებაა. შეგიძლიათ ითამაშოთ კიდეც, მაგალითად, სურვილების შესრულებაზე. პირველი, ვისაც შოკოლადში, ხილი ჩაუვარდება მთელი კომპანიის სურვილებს შეასრულებს :)

შოკოლადის ფონდიუ არა მხოლოდ გემრიელი, მოდური და სასარგებლო, არამედ მხიარული საჭმელიცაა.

4

თხილეული

მიწის თხილი

peanuts

არაქისი, იგივე მიწის ან ჩინური თხილი – ერთწლიანი, ბალახოვანი, ტოტებიანი მცენარეა პარკოსნების ოჯახიდან.

ამ მცენარეს ბუჩქის მსგავსი ან დაფენილი ღერო აქვს, ნაყოფი ყვავილობის შემდეგ მიწაში იზრდება, ამიტომაც ეძახიან მას მიწის თხილს.

არაქისის ნაყოფი ფორმით აბრეშუმის ჭიის პარკს გავს, რომლის ნაჭუჭის ქვეშ 1-დან 5-მდე გულია (პარკი). ეს პარკები 50%-მდე ცხიმს შეიცავს, ამიტომაც მიწის თხილი მეტად ძვირფას ზეთოვან კულტურებს მიეკუთვნება.

PEANUT

არაქისისგან მზადდება ძალიან გემრიელი არაქისის ჰალვა. მიწის თხილი ფართოდ გამოიყენება საკონდიტრო წარმოებაში არა მხოლოდ ჰალვის, არამედ კიდევ ბევრი პროდუქციის დასამზადებლად.

ფისტა

მოხალული, მარილიანი ფისტა ძალიან გემრიელი სასუსნავია.

ეს მცენარე ველური სახით, ძირითადად შუა აზიაში იზრდება. მის მოსავალს ივლისის ბოლოს და აგვისტოს დასაწყისში იღებენ. მომწიფების შემდეგ ფისტას ყველა ნაყოფი ერთდროულად არ იხსნება, ამიტომაც ეს პროდუქტი დამატებით გადამუშავებას საჭიროებს.

pistachio01

ფისტა იჭმება ნედლი სახით, გამოიყენება საკონდიტრო წარმოებაში როგორც შიგთავსის ნაწილი და ასევე ძეხვის წარმოებაში – ფისტაშკებს ზოგიერთი ტიპის უმაღლესი ხარისხის ფარშირებული ძეხვის დასამზადებლად იყენებენ.

წაბლი

საჭმელი წაბლის ნაყოფი გარეგნულად დიდ, ორივე მხრიდან შეჭყლეტილ, ზოგჯერ კი სრულიად პრიალა დიდ თხილს გავს, რომელსაც თხელი, მუქი ყავისფერი ნაჭუჭი აქვს.

chestnut3

წაბლის გული მსხვილი, თეთრი და ოდნავ მოტკბოა. ის იჭმება შემწვარი, მოხარშული და უმი სახითაც. შეწვის დროს წაბლის ნაყოფი აუცილებლად უნდა დახვრიტოთ, რათა არ გასკდეს.

წაბლი გამოიყენება საკონდიტრო წარმოებაში და ასევე ყავის სასმელებს დასამზადებლადაც.

ტკბილი ნუში

ტკბილი ნუში ფართოდ გამოიყენება კულინარიაში, განსაკუთრებით ტკბილი კერძების, ორცხობილების, ტორტებისა და ღვეზელების დასამზადებლად. ნუშის გულში ბევრი ცხიმი (55%-მდე) და აზოტოვანი ნივთიერებებია (20%-ზე მეტი).

2005.04.14_18.14.47_eada

კედრის წიპწიპო

კედრის წიპწიპო კედრისებრი ფიჭვის ხის თესლია. კედრის წიპწიპოს გულისგან ძალიან ძვირფასი ზეთი მიიღება. არსებობს ორი სახის – წვრილი და მსხვილი წიპწიპო.

Pine-nuts

კაკალი

კაკალი მომწიფების საწყის სტადიაზე, როცა მისი გული ჯერ კიდევ რძიანია, უმდიდრესია C ვიტამინით, ამიტომაც მას ვიტამინების შემცველი პრეპარატების დასამზადებლად იყენებენ. სიმწიფის ამ პერიოდშივე კაკლისგან მზადდება უგემრიელესი მურაბა. მოწეული კაკალი ძალიან ნოყიერია, მის შემადგენლობაში 55% ცხიმები და 15% ცილებია. ფართოდ გამოიყენება კულინარიაში.

walnuts

თუ კაკალი ზედმეტად გამოშრა და თავისი ჩვეული გემო დაკარგა, ის ნაჭუჭიანად 5-6 დღე უნდა ჩადოთ ოდნავ მარილიან წყალში. წყალი ნაჭუჭიდან კაკლის გულამდე ჩავა და მის კონსისტენციასა და გემოს აღადგენს.

diverticulitis-Nuts-and-Seeds1