Tag Archives: კრემსუპის რეცეპტი

კარტოფილის კრემსუპი ბეკონით და პარმეზანით

18

ინგრედიენტები:

  • 600 გ კარტოფილი
  • 200 გ ბეკონი
  • 300 გ ყველი პარმეზანი
  • 200 მლ არაჟანი
  • 2 თავი ხახვი
  • 500 მლ რძე
  • 60 გ კარაქი
  • 4-5 ღერი ოხრახუში
  • მარილი
  • 4 ს.კ. ზეთი

მომზადება: 

კარტოფილი გათალეთ, დაჭერით საშუალო ზომის ნაჭრებად და მოხარშეთ მარილიან წყალში.

ხახვი დაჭერით და მოშუშეთ ზეთში, სანამ ოდნავ შეყავისფრდება. გადაიღეთ ცალკე ჭურჭელში და დააბლენდერეთ ხელის ბლენდერით ერთგვაროვანი მასის მიღებამდე.

ყველი გახეხეთ მსხვილ სახეხზე. ბეკონი დაჭერით და შეწვით. ოხრახუში დაჭერით ძალიან წვრილად.

მოხარშული კარტოფილი გადმოიღეთ ჯამზე დაამატეთ კარაქი და მოამზადეთ პიურე. ბლენდერით ნელ-ნელა შეათქვიფეთ ჯერ ხახვი, შემდეგ არაჟანი და ბოლოს რძე. მიღებული მასა გადაიტანეთ ქვაბში, დადგით ძალიან დაბალ ცეცხლზე, თან მუდმივად ურიეთ. ნელ-ნელა დაამატეთ ყველის 2/3 და წამოადუღეთ და 2-3 წუთში გადმოდგით გაზქურიდან.

სუპი გადაანაწილეთ თეფშებზე, თითოეულ მათგანს დაამატეთ გახეხილი ყველი, ბეკონის ნაჭრები და ოხრახუში.

გემრიელად მიირთვით!

 

ყვავილოვანი კომბოსტოს სუპი ლორით

21
ინგრედიენტები 6 პორციისთვის:
  • 1 თავი ყვავილოვანი კომბოსტო (საშუალო ზომის)
  • 200 გ ლორი
  • 5 ს.კ. ზეითუნის ზეთი
  • 13 გ ნაღების კარაქი
  • 4-5 კბ ნიორი
  • 1 თავი ხახვი
  • 400 გ არაჟანი
  • 10-15 გ ოხრახუში
  • მარილი 
მომზადება: 
 
გაახურეთ აირღუმელი 180 გრადუსამდე.
 
 
ყვავილოვანი კომბოსტო გაჭერით ოთხად და მოათავსეთ ცეცხლგამძლე ჭურჭელზე. მოაყარეთ მარილი. სასურველია გამოიყენოთ საკვები ზღვის მარილი, თუმცა ჩვეულებრივი “ხრეში” მარილიც გამოდგება 😉 მოასხით 3 ს.კ. ზეითუნის ზეთი. 
 
შედგით ყვავილოვანი კომბოსტო აირღუმელში 25-30 წუთის განმავლობაში, სანამ არ დარბილდება. 
 
ხახვი (შეიძლება პრასიც) დაჭერით წვრილად. ნიორი დანაყეთ ან დასრისეთ. ქვაბში გაადნეთ კარაქი და მოშუშეთ ხახვი (ან პრასი), 6-7 წუთში დაამატეთ ნიორი და კარგად აურიეთ დაგადმოდგით ცეცხლიდან. 
 
დარბილებული ყვავილოვანი კომბოსტო დაანაწევრეთ პატარ პატარა “ყვავილებად”, გაყავით 6 ნაწილად და ჩაალაგეთ თეფშებში.
 
ყვავილოვანი კომბოსტოს დანარჩენი ნაწილები (ღეროები) დაჭერით წვრილად და დაუმატეთ მოშუშულ ხახვს და დააქუცმაცეთ ხელის ბლენდერით, დაუმატეთ არაჟანი და ცოტა წყალი, შეაზავეთ მარილით და კარგად ათქვიფეთ. მიღებული მასა გადაანაწილეთ თეფშებში.
 
ლორი დაჭერით წვრილად, 2 წუთის განმავლობაში მოშუშეთ საშუალო ცეცხლზე, გაყავით 6 ნაწილად და დაამატეთ თეფშებზე. 
 
მოაყარეთ დაჭრილი ოხრახუში, მოასხით ცოტა ზეითუნის ზეთი და გემრიელად მიირთვით!