Tag Archives: კალორია

ყველაფერი სიმინდის შესახებ

corn-1ადამიანებმა სიმინდის საკვებად გამოყენება ჯერ კიდევ 6–7 ათასი წლის წინ დაიწყეს. სიმინდი შრომისმოყვარე მექსიკელმა ინდიელებმა „მოიშინაურეს“ და მიწათმოქმედების მთავარ  კულტურადაც აქციეს. ევროპაში სიმინდი კოლუმბის წყალობით მოხვდა, ხოლო საბჭოთა კავშირის ტერიტორიაზე ის ნიკიტა ხრუშჩოვის დამსახურებით გავრცელდა, რომელმაც სიმინდს „მინდვრის დედოფალი“ უწოდა.

სიმინდი – კალორიულობა

corn-4სიმინდის ოქროსფერმა მარცვლებმა კალორიულობით ყველა ბოსტნეულს, მათ შორის, მწვანე ბარდასა და ლობიოსაც გადააჭარბა. სიმინდის კალორიულობა პროდუქტის 100 გრამზე 120 კალორიაა. საოცარია, მაგრამ ამ ფონზეც კი ის შესანიშნავ დიეტურ პროდუქტად მიიჩნევა. დიეტოლოგები სიმინდს იმ განსაკუთრებული კომპონენტების გამო აფასებენ, რომლებსაც ორგანიზმიდან ზედმეტი ქოლესტერინის გამოძევება და ცხიმების აქტიური წვისთვის ხელშეწყობა შეუძლია. ამასთან ერთად სიმინდის „ცხიმის მწველები“, ძირითადად არა კანქვეშა–ცხიმოვან უჯრედისზე, არამედ ახლახანს მიღებულ, ჯერ კიდევ კუჭ–ნაწლავის ტრაქტში არსებულ ცხიმებზე მოქმედებს. ამიტომაც სიმინდის დიეტა ყველაზე შესაფერისი უხვი სუფრებისა და დღესასწაულების შემდეგაა, რათა ახალადმიღებულ კილოგრამებს თქვენს სხეულში ფეხის მოკიდების საშუალება არ მისცეთ.

????????სიმინდის შედარებით მაღალი კალორიულობის მიუხედავად, მის საფუძველზე არაერთი დიეტაა შექმნილი. სიმინდი ორგანიზმს საკვები ნივთიერებებით აქტიურად აჯერებს და შიმშილის გრძნობას თრგუნავს. დიეტური მიზნებისთვის სასურველია მოხარშული სიმინიდის მიღება, რადგან დაკონსერვებულ პროდუქტში, ჩვეულებრივთან შედარებით, რამდენჯერმე მეტი კალორიები შეიძლება იყოს.

სიმინდის სარგებლიანობა

corn-7სიმინდი ძალიან ძვირფასი და სასარგებლო პროდუქტია. მისი ოქროსფერი ფუჩეჩი კი ნამდვილი განძია. სიმინდი მდიდარია ნახშირწყლებით, ყველა შესაძლო ვიტამინითა და მინერალებით: კალციუმი, მაგნიუმი, რკინა, ფოსფორი, ნიკელი, სპილენძი, კალიუმი და ა.შ. მის შემადგენლობაში მენდელეევის ცხრილის 26 ელემენტი შედის. სიმინდი მდიდარია B, A, E და PP ჯგუფის ვიტამინებით, რაც განსაკუთრებით სასარგებლოა ქალებისთვის, რადგან ზემოთაღნიშნული ვიტამინები დადებით ზემოქმედებას ახდენს თმისა და კანის მდგომარეობაზე, ხსნის დეპრესიას და უშლის ხელს ნაოჭების წარმოქმნას.

??????????????????სიმინდის შემადგენლობაში შედის უნიკალური ამინომჟავები ტრიპტოფანი და ლიზინი, რომელთა სინთეზირებაც ადამიანის ორგანიზმს დამოუკიდებლად არ შეუძლია. ისინი სისხლში ქოლესტერინის დონეს არეგულირებს, კუნთები ტონუსში მოყავს, ცხიმების გამოდევნას ეხმარება და ნაწლავებში დუღილის პროცესის პრევენციას ახდენს.

სიმინდი ძალიან სასარგებლოა დიაბეტით დაავადებული ადამიანებისთვის, რადგან ის შაქრის დონეს არეგულირებს, ასევე მოზარდებისა და ალერგიულებისთვის, ზედმეტი ცხიმიანობის, ნივთიერებათა ცვლის დარღვევის, სისხლნაკლულობის, ნერვული სისტემის დაავადებების, ანორექსიის, ღვიძლისა და გულის დაავადებების დროს. ასევე დამტკიცებულია, რომ სიმინდის შემადგენლობაში არსებულ პექტინს სიმსივნის საწინააღმდეგო თვისება აქვს და მისი მიღება სასარგებლოა ათეროსკლეროზის დროს.

???????????

ბადრიჯანი – ბერძნული „შეშლილობის ვაშლი”

სხვადასხვა კვლევებით დადგენილია, რომ ძველი ბერძნები, რომელთაც არაერთხელ უნახავთ ბადრიჯანი თავიანთ ბაღ–ბოსტნებში, მეწამულ ნაყოფს „შეშლილობის ვაშლს“ უწოდებდნენ და დარწმუნებული იყვნენ, რომ ამ ნაყოფის შეჭმა ჭკუიდან შეშლიდათ. ბადრიჯნის გასინჯვა ევროპელებმა მხოლოდ ამერიკის აღმოჩენის შემდეგ გაბედეს. საქმე ისაა, რომ ევროპელმა მოგზაურებმა ნახეს, როგორ მოყავთ ამერიკელ ინდიელებს ბადრიჯანი და რა სიამოვნებით მიირთმევენ მეწამული ნაყოფისგან დამზადებულ კერძებს, თანაც მათ გონებას არაფერი ემართებოდა.

eggplant-harvest

ლეგენდის მიხედვით, ერთმა თურქმა იმამმა გონება დაკარგა, როცა პირველად ბადრიჯნისგან დამზადებული კერძი გასინჯა. სავარაუდოდ, საჭმელი ისეთი გემრიელი იყო, რომ გრძნობების მოჭარბებისგან ემოციურ თურქს უბრალოდ გული წაუვიდა.

ბადრიჯანში გარკვეული ოდენობით C ვიტამინია, რომელსაც თქვენი გაციებისა და ინფექციებისგან დაცვა შეუძლია და თუმცა ასკორბინის მჟავის შემცველობით ბადრიჯანი ლიმონთან ან შავ მოცხართან ახლოსაც ვერ მივა, მაგრამ C ვიტამინის დამატებითი პორცია ორგანიზმისთვის ზედმეტი არასდროს არის. გარდა ამისა, ბადრიჯნის ნაყოფში საკმაოდ ბევრი B ჯგუფის ვიტამინია, რაც ამაგრებს ნერვულ სისტემას, ებრძვის დეპრესიასა და უძილობას და ასევე ეხმარება კანს ტენის შეწოვაში, რაც თავის მხრივ, სახის კანს ნაადრევი ნაოჭების გაჩენისგან იცავს. ამასთან ბადრიჯანში შემავალი სხვა ნივთიერებები კანის ქსოვილებს აღადგენს და ჭრილობების მოშუშებასაც კი უწყობს ხელს.

eggplant-6

ბადრიჯანი მდიდარია მანგანუმით, რკინითა და თუთიით, ამიტომაც მისი მიღება რეკომენდებულია სისხლნაკლულობის დროს. ბადრიჯანი სასარგებლოა გულისა და სისხლძარღვთა სისტემის პრობლემების მქონეთათვისაც, რადგან მასში შემავალი ნივთიერებები ორგანიზმში ქოლესტერინის დონის შემცირებას უწყობს ხელს. გარდა ამისა, ბადრიჯნის ნაყოფში არსებული კალიუმის მარილები გულის მუშაობას აუმჯობესებს და ორგანიზმიდან ზედმეტი სითხის გამოყოფას ეხმარება და შესაბამისად, ბადრიჯანის ხშირად მირთმევა რეკომენდებულია ხანშიშესული ადამიანებისთვის, რომლებსაც გულ–სისხლძარღვთა დაავადებები აწუხებთ, განსაკუთრებით, გულის მუშაობს დარღვევით გამოწვეული გაჟონვის შემთხვევებში.

eggplant-flower

დიეტოლოგები კი ბადრიჯანს ზედმეტ კილოგრამებთან დამშვიდობების თითქმის ყველაზე საუკეთესო საშუალებად მიიჩნევენ. ამ ძვირფასი ბოსტნეულის 100 გრამში მხოლოდ 28 კილოკალორიაა, გარდა ამისა, ბადრიჯანი მდიდარია უჯრედისით, რომელიც ორგანიზმს შლაკებისა და ზედმეტი სითხის გამოდევნაში ეხმარება. ერთადერთი „მაგრამ“: შეწვისას ბადრიჯანი იოლად იწოვს ცხიმს, ამიტომაც ბადრიჯნისგან მომზადებული კერძი, შესაძლოა, ზედმეტად ცხიმიანი გამოვიდეს. თუმცა თუ დაჭრილ ბადრიჯანს 10 წუთით ცივ წყალში ჩააწყობთ, ის შეწვის დროს ცხიმს ნაკლებად შეიწოვს.

eggplant-5

ბადრიჯანი ძალიან დაეხმარება მათ, ვინც მოწევისთვის თავის დანებებას გეგმავს, რადგან ამ ბოსტნეულში დიდი ოდენობითაა PP ვიტამინი ანუ ნიკოტინის მჟავა.

ბადრიჯნის ყიდვისას უპირატესობა ახალგაზრდა ნაყოფს უნდა მიანიჭოთ. საქმე ისაა, რომ ბადრიჯანი შეიცავსeggplant-3ნივთიერება სოლანინს, რითიც მისი ოდნავ მომწარო გემო აიხსნება. მწიფე ნაყოფში სოლანინი საკმაოდ ბევრია, ამ ნივთიერების დიდი ოდენობით მიღებას კი საყლაპავის გაღიზიანება და კუჭის პრობლემების გამოწვევა შეუძლია. ბადრიჯნის „ასაკის“ განსაზღვრა მისი კანითა და ყუნწით შეიძლება. მოყავისფრო ყუნწი მეტყველებს, რომ ნაყოფი დიდი ხნის წინ დამწიფდა, ახალგაზრდა ბადრიჯანზე არ არის მოყავისფრო ლაქები. ბადრიჯანი არ უნდა იყოს რბილი და სლიპინა, კანი კი დანაოჭებული და მშრალი არ უნდა ქონდეს. თუ მაინც არ ხართ დარწმუნებული, რომ სწორი არჩევანი გააკეთეთ, ყოველი შემთხვევისთვის, მომზადების წინ ბადრიჯანი 3%–იან მარილიან წყალში ჩადეთ – ამ მეთოდით ნაყოფიდან სოლანინის საკმაო რაოდენობა გამოიდევნება.