Tag Archives: იაპონური სამზარეულო

როგორი უნდა იყოს ნამდვილი სუშის ნაკრები

sushi-3იაპონურმა სამზარეულომ მსოფლიო დაიპყრო – ამაზე შეგვიძლია ვიმსჯელოთ რესტორნების რაოდენობით, სადაც კლიენტებს სუშის სთავაზობენ და ასევე მისი სხვადასხვა ასორტიმენტის გამოგონებით. წარმოიდგინეთ, რომ სუშის ნახევარფაბრიკატებიც კი იყიდება. გასაოცარია, რა მასშტაბით გავრცელდა სუში ბოლო ათწლეულის განმავლობაში. ამიტომაც თანდათან აქტუალური ხდება არა მხოლოდ ადგილები, სადაც სუშის მირთმევა შეიძლება, არამედ მისი მომზადებაც, რათა იაპონური სამზარეულო კულტურის ამ ორიგინალური კერძით მაქსიმალური სიამოვნება მიიღოთ. თუ სუშის მომზადება წესების დაცვით განიზრახეთ, სპეციალური ინსტრუმენტების გარეშე იოლად ვერ გახვალთ.

სადილის ჭურჭელი ფილოსოფიური ფსკერით

sushi-5იაპონიაში უმიზეზოდ არაფერი ხდება და ერთი ნივთიც კი მხოლოდ უბრალო ნივთი არ არის. იაპონური კულტურის უნიკალურობაც, რაც ასე იზიდავს დასავლური ცივილიზაციის წარმომადგენლებს, სწორედ ისაა, რომ იაპონელების ცხოვრების ყველა მომენტი მათი რელიგიურ-ფილოსოფიური რწმენის ანარეკლია.  განკერძოებული და იმავდროულად, გარე ზეგავლენისადმი მგრძნობიარე განვითარების ათასწლოვან პერიოდს ფუჭად არ ჩაუვლია – ჩამოყალიბდა რელიგიური და ფილოსოფიური თვალსაზრისების გასაოცარი შენადნობები, რომელთა განსხეულებასაც იაპონელთა შექმნილ ყველა ნივთში, მათ შორის, სასადილო მოწყობილობაშიც კი იპოვით.

gj20508_Girl_Sushiპირველ რიგში, უნდა აღინიშნოს, რომ სასადილო ჭურჭელს იაპონელებისთვის დიდი მნიშვნელობა აქვს, რადგან თავად საკვების მიღების პროცესი მათთვის რიტუალია. სამყაროში ყველაფერი ერთმანეთთან კავშირშია, ყოველი ქმედება სხვა ქმედების შედეგია და შემდეგ ქმედებას განაპირობებს და ამ ყველაფრის გათვალისწინებით სასიცოცხლო ციკლის ისეთი მნიშვნელოვანი ეტაპი, როგორიც კვებაა, იაპონელებისთვის წმინდა და ხელშეუხებელია. შესაბამისად, მათთვის სასადილო ჭურჭელიც რიტუალური ნივთებია.

sushi-4წარმოუდგენელია, რომ სუშის ნაკრებში თეთრი ფერის ნივთი ერიოს – ეს იაპონიაში სამგლოვიარო ფერია და სიკვდილთან სიმბოლიზდება, ამიტომაც ჩვეულებრივ ტრაპეზში თეთრის გარევა დაუშვებელია. ასევე შემთხვევითი არ არის, რომ იაპონურ ოჯახებში სუფრის ჭურჭელში იდეალური სიმეტრია თითქმის არასდროსაა დაცული, რადგან იაპონელები ბუნებრიობისა და ბუნებრივი პროცესებისა და მოვლენების გამეორებისკენ ისწრაფვიან. ყოველი ნივთის განუმეორებლობა და ორიგინალურობა მისი ფასეულობის ნიშანია. ამიტომაც სუშის ჩინეთში წარმოებული, სტანდარტული ნაკრებები იაპონელებისთვის პრაქტიკულად შეურაცხყოფაა. განსაკუთრებით თუ ეს ჭურჭელი პლასტმასის – აბსოლუტურად უსიცოცხლო მასალისგან მზადდება. და ბოლოს, იაპონელები შეშლილები არიან ცერემონიების დაცვაზე და თითოეული ტრაპეზის, მათ შორის, სუშის მირთმევისთვის, ათამდე სასადილო მოწყობილობაა გათვალისწინებული. ამიტომაც დღეს გავრცელებული სუშის სასაჩუქრე ნაკრებები, რომელშიც სულ რამდენიმე ერთეული ნივთია, იაპონური სუში-ტრადიციებისგან საკმაოდ შორს იმყოფება.

თეფში თითოეული ნამცეცისთვის

sushi serving setიაპონიის ფარგლებს გარეშე შეიძლება შეხვდეთ სუშის ნაწილობრივ სასაჩუქრე და ნაწილობრივ პრაქტიკული გამოყენების ნაკრებებს, რომლებიც დიდი თეფშის, ხის ჯოხების, რამდენიმე ცალკეული თეფშისა და სოიოს სოუსისთვის განკუთვნილი ორი ლამბაქისგან შედგება. ზოგჯერ ამ ნაკრებს ბამბუკის პატარა ჭილოფიც მოყვება მათ დასალაგებლად. სუშის არატრადიციულად დამზადებულ ნაკრებებში სხვადასხვა ფერის ნივთებია, რაც იაპონურ კულტურას ეწინააღმდეგება. საკვების მისაღებად განკუთვნილი ჭურჭელი, იაპონური ტრადიციით, ფერის ერთ გამაში უნდა იყოს გადაწყვეტილი.

sushi-1თუ სუშის ნამდვილ ნაკრებზე ვილაპარაკებთ, რომელიც ამომავალი მზის ქვეყნის ტრადიციებს სრულად შეესაბამება, პირველ რიგში უნდა აღვნიშნოთ, რომ ამ ცერემონიის უმთავრესი შემადგენელი ინგრედიენტებია. სუში იაპონელისთვის ნამდვილი და ჭეშმარიტი არ იქნება, თუ ორიოდე ათეულიდან ერთი ინგრედიენტი მაინც აკლია. მაგალითად, სამი ტიპის წყალმცენარე, სოიოს ყველი, განსაკუთრებული ჯიშის ზეთისხილი, სოიოს დამარილებული პარკები და ასე შემდეგ. თუმცა სუშის გაკეთებისას ყველა ბოლო წვრილმანამდე რომ იცავდეს იაპონურ ტრადიციებს, მსოფლიოს სუში-ბარების უმრავლესობა უკვე დიდი ხნის დაკეტილი იქნებოდა. ამრიგად, თუ სუშის ნაკრებში სასადილო ჭურჭელის აუცილებელი ნივთების ნაწილი მაინც არის, უკვე საკმაო საფუძველი გვაქვს, ეს ნაკრები ხარისხიანად მივიჩნიოთ.

sushi-6სუშის ნაკრები შემდეგი ნივთებისგან შედგება:

  • ხის ჯოხები (ჰაში)
  • ჯოხების ჩასადები (ჰაშიოკი)
  • როლების სადგამი (ტამაკი-დან)
  • სუშის ჯამი (სუშიოკე)
  • თეფში საშიმისთვის სოუსის ჩასასხმელით (საშიმიზარა)
  • „ნავი“ საშიმის სუფრაზე მისატანად (საშიმი ბუნ)
  • ჯამი სოუსისთვის (სიურეზარა)
  • ჯამი სალათისა და ბოსტნეულისთვის (კოზარა და კობაჩი)
  • თეფში დესერტისთვის
  • თეფში სუპისთვის (შირუ-ვან)
  • ფინჯანი ჩაისთვის (იუნომი)
  • ფინჯანი საკესთვის (ოჩოკო)

გემრიელ სუშის გისურვებთ :)

sushi-7

ბენტოს სახეობები

cooking-bento

ტრადიციულად, იაპონური ფუდარტი – ბენტო მზადდება შემდეგი პროპორციებით 4:3:2:1. ანუ 4 წილ ბრინჯზე იღებენ 3 წილ ხორცს ან თევზს, 2 წილ ბოსტნეულსა და 1 წილ მწნილს  სანელებლებთან ერთად. მოხარშული ბრინჯი ყუთში მოთავსებამდე კარგად უნდა გაცივდეს და გაშრეს, წინააღმდეგ შემთხვევაში ყუთში დაგროვილი ორთქლი საკვებს არაესთეტიკურსა და უგემურს გახდის. სასურველია, სოუსი პატარა კონტეინერში ცალკე იყოს მოთავსებული. თუ ბენტოს ერთ-ერთი შემადგენელი ნაწილი სუშია, ის ჩვეულებრივზე მეტი ვასაბით უნდა იყოს მომზადებული.

ბენტოს სახეობები:

ტიუკა ბენტო (იაპონურად 中華弁当) – ამ ტიპის ბენტოსთვის ჩინურ კერძებს იყენებენ.

1tiuka-bento

კამამესი ბენტო (იაპონურად 釜飯弁当) – იყიდება რკინიგზის სადგურებზე ნაგანოს პრეფექტურაში. გამთბარი ბენტო მოთავსებულია თიხის ქოთნებში. ხშირად თიხის ქოთნებს სუვენირად იტოვებენ.

2kamamesi-bento

მაკუნო-უტი ბენტო (იაპონურად 幕の内弁当) – კლასიკური ბენტო, რომელიც შედგება ბრინჯისა და ნებისმიერი სხვა პროდუქტისგან (შეწვარი თევზი, მოხარშული კვერცხი, ქლიავის მარინადი და სხვ.)

Exif_JPEG_PICTURE

ნორიბენი ბენტო (იაპონურად 海苔弁) – უმარტივესი ბენტო ბრინჯითა და საკვები წყალმცენარეებით.

4noribeni-bento

საკე ბენტო (იაპონურად 鮭弁当) – მარტივი ბენტო ბრინჯითა და ორაგულით.

5sake-bento

სიდასი ბენტო (იაპონურად 仕出し弁当) – მზადდება რესტორნებში და მიაქვთ შემკვეთებისთვის. ასეთ ბენტოს ხშირად მიირთმევენ შეკრებებზე. შეიცავს ტემპურას (თევზი, ზღვის პროდუქტები, ბოსტნეული), ბრინჯსა და მარინადს.

6sidasi-bento

სუსიძუმე (იაპონურად 鮨詰め) – ბენტოს სახით შეფუთული სუში.

7susidzume-bento

ტორიბენი (იაპონურად 鶏弁) – ბენტო ქათმის ხორცით.

8toribeni-bento

ძუკუბენი (იაპონურად 塾弁)- სკოლის მოსწავლის ბენტო.

9dzukubeni-bento

ჩარაბენი (იაპონურად キャラ弁) – ბენტო, რომელზეც გამოსახულია ადამიანის ან ცხოველის ფიგურა ან სახე.

10charabeni-bento

ჰაიაბენი (იაპონურად 早弁) – სიტყვასიტყვით ითარგნება, როგორც სწრაფი ბენტო. განკუთვნილია საუზმესა და სადილს შორის მონაკვეთში მისართმევად.

11hiabeni-bento

ჰოკაბენი (იაპონურად ホカ弁) – ასე ეძახიან ბენტოს ნებისმიერ ტიპს, როცა ის მომხმარებელთან ადგილზე მიტანის სერვისს – ჰოკა-ჰოკა თეის მიაქვს.

12hokabeni-bento

რეიტო მიკანი (იაპონურად 冷凍ミカン) – გაყინული მანდარინი, რომელიც რკინიგზის სადგურებზე ეკიბენთან ერთად იყიდება.

13reitomikani-bento

ჰინომარუ ბენტო (იაპონურად 日の丸弁当) – როცა მოხარშულ თეთრ ბრინჯზე დევს წითელი სტაფილოს მრგვალი ნაჭერი ან დამწნილებული ქლიავი – უმე. ამ ტიპის ბენტო მეორე მსოფლიო ომის დროს გაჩნდა და დასახელება იაპონური დროშისგან – ჰინომარუსგან მიიღო.

14hinomaru-bento