Tag Archives: ბადრიჯანი

ბოსტნეულის ცხარე სუპი

00ინგრედიენტები:

  • 4 ბადრიჯანი
  • 3 კარტოფილი
  • 2 სტაფილო
  • 2 თავი ხახვი
  • 2 მწვანე ტკბილი წიწაკა
  • 2 დიდი პომიდორი
  • 1 ჩ.კ. ხმელი ქინძი
  • 0,5 ჩ.კ. უცხო სუნელი
  • 4 კბ ნიორი
  • 1 ს.კ. წითელი წიწაკა
  • 0,5 ჩ.კ. შავი პილპილი
  • მარილი
  • 3-4 ღერი რეჰანი და ოხრახუში
  • ზეთი

მომზადება:

ბადრიჯანი, კარტოფილი, ხახვი, სტაფილო, ტკბილი წიწაკა და პომიდორი დაჭერით საშუალო ზომის ნაჭრებად.

ქვაბში ჩაასხით 4-5 ს.კ. ზეთი, წამოადუღეთ, დაამატეთ ხახვი და მოშუშეთ მაღალ ტემპერატურაზე, ხშირად ურიეთ.

როდესაც ხახვი შეწითლდება, დაამატეთ სტაფილო, შეამცირეთ ტემპერატურა და გააგრძელეთ შუშვა 7-8 წუთი.

ქვაბში ჩაამატეთ დაჭრილი ბადრიჯანი და კარტოფილი, მოაყარეთ მარილი და დატოვეთ დაბალ ტემპერატურაზე 30 წუთის განმავლობაში. ხანდახან მოურიეთ.

ინგრედიენტების ნახევარი ამოიღეთ ქვაბიდან, დაასხით 100 გ წყალი და დააბლენდერეთ. მეორე ნახევარს კი დაუმატეთ დაჭრილი პომიდორი და ტკბილი წიწაკა და გააგრძელეთ შუშვა 5 წუთი. შემდეგ შეურიეთ დაბლენდერებული კარტოფილისა და სხვა ინგრედიენტების ნაზავი, ასევე 1 ლ წყალი. კარგად აურიეთ და წამოადუღეთ.

ბოლოს ქვაბში ჩაამატეთ ხმელი ქინძი, უცხო სუნელი, წითელი წიწაკა, შავი პილპილი, მარილი (თუ საჭიროა) და დასრესილი ნიორი. კარგად მოურიეთ და ადუღეთ საშუალო ტემპერატურაზე კიდევ 10 წუთი.

თეფშზე გადმოღების შემდეგ სუპს მოაყარეთ დაჭრილი ოხრახუში და რეჰანი.

გემრიელად მიირთვით!

ჩინური სამზარეულო: ქათამი ბადრიჯნით

67ინგრედიენტები:

  • 800 გ ქათმის ფილე
  • 900 გ ბადრიჯანი
  • 60 მლ სოიოს სოუსი
  • 60 მლ ღვინის ძმარი
  • 3 ს.კ. შაქარი
  • 1 ს.კ. გახეხილი კოჭა (ჯინჯერი)
  • 1 ჩ.კ. სეზამის მარცვალი
  • 2 ჩ.კ. სიმინდის სახამებელი ან 1 ჩ.კ. კარტოფილის სახამებელი
  • 1 კბ ნიორი
  • წითელი მწარე წიწაკა

მომზადება:

ქათამი დაჭერით გრძელ, წვრილ ნაჭრებად. ბადრიჯანი დაჭერით “ნახევარმთვარეებად” 🙂

ქათმის ფილეს ნაჭრები შეწვით ზეთში მაღალ ტრემპერატურაზე 12-15 წუთის განმავლობაში. თან ხშირად ურიეთ რომ არ დაიწვას. გადმოიღეთ შემწვარი ქათამი თეფშზე.

იმავე ტაფაზე მოათავსეთ ბადრიჯანი, დაუმატეთ კოჭა, ნიორი და 60 მლ წყალი და მიიყვანეთ ადუღებამდე. როდეასაც წყალი ამოშრება, ბადრიჯანს დაამატეთ ზეთი და შეამცირეთ ტემპერატურა, ტაფას დაახურეთ თავსახური და ბადრიჯანი შეწვით.

ცალკე ჭურჭელში შეაზავეთ სოიოს სოუსი, ღვინის ძმარი, სეზამის მარცვლები, პილპილი, სახამებელი, შაქარი და 50 მლ წყალი.

როდესაც ბადრიჯანი შეიწვება, ჩალაგეთ ქათამი, მოასხით სოუსი და მიიყვანეთ ადუღებამდე. შემდეგ დაუწიეთ ტემპერატურას და დატოვეთ ცეცხლზე, სანამ სოუსი არ შესქელდება. ხანდახან მოურიეთ.

გემრიელად მიირთვით ბრინჯის გარნირთან ერთად!