Tag Archives: არაჟანი

ხაჭოს ფუნთუშა

a

ინგრედიენტები: 

  • 500 გ ხაჭო
  • 2 კვერცხი
  • 2 ს.კ. მანანის ბურღული
  • 100 გ კარაქი
  • 200 გ შაქარი
  • მწიკვი მარილი
  • ვანილი
  • 1 ჩ.კ. სოდა
  • ფქვილი (იმდენი, რომ ცომი ხელზე არ მოგეკროთ)

მომზადება:

ხაჭო, მანანის ბურღული, ცოტა მარილი, შაქარი, ვანილი დააბლენდერეთ ერთად და გააჩერეთ 30 წუთი. შემდეგ დაუმატეთ ქიშმიში, სოდა, ფქვილი და კარგად მოზილეთ – ცომი ხელს აღარ უნდა მიეკრას.

მოამზადეთ მრგვალი ფუნთუშები, დაალაგეთ ფქვილმოყრილ ცეცხლგამძლე ჭურჭლზე და გამოაცხვეთ 180 გრადუსამდე გახურებულ აირღუმელში.

ხაჭოს ფუნთუშას ძალიან უხდება შაქრის პუდრასთან ერთად ათქვეფილი არაჟანი.

ამავე წესით შეგიძლიათ მოამზადოთ ყველიანი ფუნთუშები. მხოლოდ 500 გრამი ხაჭოს ნაცვლად გამოიყენეთ 250 გ ხაჭო და 250 გ ყველი (კარგად გახეხილი). ცხადია, აღარ დაამატებთ შაქარს, ვანილსა და ქიშმიშს. არაჟანი ყველიან ვარიანტსაც ძალიან უხდება.

გემრიელად მიირთვით 🙂

არაჟნისა და მაკარონის „ნამცხვარი“

59

ინგრედიენტები ცომისთვის:

  • 500-600 გ ფქვილი
  • 2 კვერცხი
  • 50 მლ რძე ან წყალი
  • 1 ს.კ. ვაშლის ძმარი
  • 5 ს.კ. ზეითუნის ზეთი
  • 1 ჩ.კ. მარილი

შიგსართისთვის:

  • 120 გ მაკარონი
  • 300 გ ყველი
  • 5 კვერცხი
  • 100 გ სქელი არაჟანი
  • შავი პილპილი
  • 1 ს.კ. ზეითუნის ზეთი

მომზადება:

ჯამში ჩაყარეთ 400 გ ფქვილი (დანარჩენ 200 გრამს ცომის ამოზელვისა და გაბრტყელების დროს გამოიყენებთ) და შუაში ჩააღრმავეთ, ჩაახალეთ 2 კვერცხი და ჩაასხით ზეითუნის ზეთი, ვაშლის ძმარი, რძე ან წყალი. დაუმატეთ მარილი და მოზილეთ მკვრივი, ელასტიური ცომი.

მარილიან წყალში მოხარშეთ მაკარონი, გადაწურეთ თუშფალანგზე;

ათქვიფეთ კვერცხი მიქსერით, დაუმატეთ არაჟანი და განაგრძეთ თქვეფა 5-6 წუთის განმავლობაში.

ყველი დაჭერით გრძელ, თხელ ნაჭრებად, მაკარონთან ერთად ჩაყარეთ ათქვეფილ კვერცხში და ფრთხილად შეურიეთ. სურვილის შემთხვევაში მოაფრქვიეთ შავი პილპილი.

ცომი გაყავით ორ ნაწილად პროპორციით 3/4  – 1/4. ცომის დიდი ნაჭერი ამოაგუნდავეთ და გააბრტყელეთ ისე, რომ მთლიანად ფარავდეს ცეცხლგამძლე ჭურჭელის (25/40 სმ პროპორციით) როგორც ძირს, ისე კედლებს. დაასხით გულსართი. შემდეგ ამოაგუნდავეთ  ცომის მეორე ნაწილი და გააბრტყელეთ ძალიან თხლად  – მისი ზომა უნდა იყოს დაახლოებით 1,5-ჯერ დიდი, ვიდრე ჭურჭელი.

ცომი ფრთხილად გადააფარეთ გულსართს და ხელით მოჭმუჭნეთ.

შედგით 180-200 გრადუსამდე წინასწარ გაცხელებულ აირღუმელში და გამოაცხვეთ. ჩვეულებრივ, 20-25 წუთი საკმარისია.

გემრიელად მიირთვით 😉