Category Archives: სხვადასხვა

ყველიანი ბურთულები

2ინგრედიენტები:

  • 120 გ ნაღბის კარაქი
  • 160 გ ფქვილი
  • 100 გ გახეხილი პარმეზანი
  • 100 გ ფეტა
  • 4 კვერცხი
  • მარილი
  • პილპილი
  • 400 მლ ზეთი ფრიტურისთვის

მომზადება:

ქვაბში ჩადეთ კარაქი, მოაყარეთ მარილი და პილპილი, დაუმატეთ 250 მლ წყალი. დადგით დაბალ ტემპერატურაზე და მუდმივად ურიეთ, სანამ კარაქი არ გადნება.

ქვაბი გადმოდგით ცეცხლიდან და ნელ-ნელა შეურიეთ ფქვილი. ისევ დადგით გაზქურაზე (ძალიან დაბალ ტემპერატურაზე) და ურიეთ, სანამ ცომი ერთგვაროვანი არ გახდება და ქვაბის კედლებს იოლად მოსცილდება. ჩვეულებრივ, 3-4 წუთი საკმარისია.

მოხარშული ცომი გადაიღეთ ჯამში, დაუმატეთ მსხვილ სახეხზე გახეხილი ყველი და აურიეთ. ჩაახალეთ ერთი კვერცხი და კარგად მოურიეთ,  შემდეგ დაამატეთ დანარჩენი კვერცხები და მუდმივად ურიეთ, სანამ ერთგვაროვან მასას არ მიიღებთ.

შედგით ყველიანი ცომი მაცივარში 30 წუთის განმავლობაში.

ღრმა ქვაბში საშუალო ტემპერატურაზე აადუღეთ ზეთი. ჩაის კოვზით ამოიღეთ ცომი, გააკეთეთ პატარა ბურთულები და 4-5 პარტიად შეწვით შეწითლებამდე.

გემრიელად მიირთვით!

Advertisements

არაჟანში გამომცხვარი სოკო

a

თუ სოკო გიყვართ, ალბათ, გიცდიათ მისი მრავალნაირად მომზადება – დაწყებული სოკოს სუპით, დამთავრებული სოკოს ჟულიენით. სოკოს ჟულიენი… ალბათ არ არსებობს ადამიანი, რომელსაც შეუძლია უარი თქვას ამ სურნელოვან და არაჩვეულებრივად გემრიელ საჭმელზე!

სწორედ სოკოს ჟულიენის მოტივებზე მზადდება სოკო ნაღების სოუსში. მომზადების წესითაც ეს ორი კერძი ძალიან გავს ერთმანეთს.

სოკო არაჟნის სოუსში  ძალიან ნაზი და გემრიელი გამოდის. რა თქმა უნდა, თუ გინდათ, ბოლოს შეგიძლიათ  გახეხილი ყველი დაამატოთ, რათა კერძმა მოწითალო საფარი გაიკეთოს.

არაჟანში გამომცხვარი სოკოს მირთმევა ცალკეც შეიძლება და ვთქვათ, კარტოფილის პიურესთან ან სპაგეტის გარნირთან ერთად. თუმცა სუფრაზე მიტანის დროს სოკოს და გარნირს ერთ თეფშზე ნუ მოათავსებთ. უმჯობესია, კერძი იმავე ჭურჭლით მიიტანოთ, რაშიც მომზადდა.

ინგრედიენტები:

  • 450 გ ქამა სოკო (ან პორტაბელო)
  • 200 გ ხახვი
  • 200 მლ არაჟანი
  • 10 გ კამა
  • 2 კბილი ნიორი
  • 2 კვერცხი
  • 6 ს/კ ზეთი
  • შავი პილპილი
  • მარილი

მომზადება:

სოკო კარგად გარეცხეთ და დაჭერით თხელ ნაჭრებად. მოზრდილ ნაჭრებად დაჭერით ხახვი.

ტაფაზე გააცხელეთ ზეთი, ჯერ ხახვი მოშუშეთ ოდნავ შეწითლებამდე, შემდეგ დაამატეთ სოკო, მარილი და პილპილი.

ნიორი და კამა  დაჭერით წვრილად.

შეურიეთ ერთმანეთს არაჟანი (ნაღებიც შეიძლება), კვერცხი და ნიორი; დაუმატეთ ოდნავ შეგრილებული სოკო და კარგად აურიეთ.

ინგრედიენტები მოათავსეთ პორციულ ფორმებში და გამოაცხვეთ 10-15 წუთის განმავლობაში 180 გრადუსამდე გახურებულ აირღუმელში.

მზა კერძს მოაყარეთ კამა და გემრიელად მიირთვით!