Category Archives: სუპები

ბროკოლისა და კარტოფილის სუპი სიმინდით

ინგრედიენტები:

  • 500 გ წითელი კარტოფილი;
  • 300 გ ბროკოლი;
  • 1 თავი ხახვი;
  • 400 გ არაჟანი;
  • 100 გ დარბილებული კარაქი;
  • 100 გ ყველი პარმეზანი;
  • 100 გ ტკბილი სიმინდი;
  • 30 გ მწვანე ქინძი;
  • მარილი.

მომზადება: 

წითელი კარტოფილი (სასურველია მცირე ზომის) გარეცხეთ, კარგად გახეხეთ, მოხარშეთ ნახევრად და წყალი გადაღვარეთ. 3 კარტოფილს გააცალეთ კანი, დანარჩენი დაჭერით საშუალო ზომის ნაჭრებად, გადაიტანეთ ქვაბში, დაამატეთ ორად გაჭრილი ხახვი და ხარშეთ კიდევ 10 წუთი საშუალო ტემპერატურაზე. ამის შემდეგ გაზქურა გამორთეთ, 3 კანგაცლილი კარტოფილი ამოიღეთ და მოამზადეთ პიურე, დაჭრილი კარტოფილი კი დატოვეთ ნახარშ წყალში.

არაჟანი და დარბილებული კარაქი ათქვიფეთ კოვზით და ჯერ 3 კარტოფილის პიურე შეურიეთ, შემდეგ კი კარტოფილის ნახარში წყლის ნაწილი და გახეხილი პარმეზანი. მიღებული მასა ნელ-ნელა დაასხით მოხარშულ დაჭრილ კარტოფილს, დაუმატეთ ბროკოლის დანაწევრებული ყვავილედები, კონსერვირებული ტკბილი სიმინდი, მარილი და წამოადუღეთ. ხარშეთ დაახლოებით 5-6 წუთი.

ბოლოს მოაყარეთ წვრილად დაჭრილი მწვანე ქინძი და გემრიელად მიირთვით!

10

Advertisements

სოკოს კრემ-სუპი

ინგრედიენტები 6 პორციისთვის:

  • 400 გ ქამა სოკო
  • 400 გ კარტოფილი
  • 7 კვერცხი
  • 300 მლ არაჟანი
  • 1 თავი ხახვი
  • 2 კბ ნიორი
  • 100 გ პარმეზანი
  • 100 გ კარაქი
  • 2 ს.კ. ფქვილი
  • შავი პილპილი
  • მარილი

მომზადება:

ქამა სოკო გარეცხეთ და თხლად დაჭერით. კვერცხი მოხარშეთ და დაჭერით წვრილად.

კარტოფილი გათალეთ და დაჭერით საშუალო ზომის ნაჭრებად. პარმეზანი გახეხეთ.

1,5 ლ წყალი აადუღეთ. დაუმატეთ მარილი, სოკო, შუაზე გაჭრილი ხახვი, ნიორი (დაუჭრელი) და ხარშეთ საშუალო ტემპერატურაზე. 10 წუთში დაუმატეთ კარტოფილი და გააგრძელეთ ხარშვა დაახლოებით 20 წთ.

მოხარშული ინგრედიენტები ქაფქირით ამოალაგეთ წყლიდან. ბულიონი შეინახეთ, ხახვი კი შეგიძლიათ გადააგდოთ. სოკო გადადეთ ცალკე, მოხარშული ნიორი და კარტოფილი მოათავსეთ ჯამში (სასურველია პლასტმასის). დაუმატეთ დაჭრილი კვერცხი (მთლიანი მასის 1/7), შავი პილპილი, კარაქი და დააქუცმაცეთ ხელის ბლენდერით. ნელ-ნელა ჩაუმატეთ არაჟანი და ბულიონი. უნდა მიიღოთ ერთგვაროვანი მასა.

სოკო, კარტოფილისა და სხვა ინგრედიენტების ნაზავი ჩააბრუნეთ ქვაბში და ადუღეთ ძალიან დაბალ ცეცხლზე დაახლოებით 3-4 წუთის განმავლობაში. თან მუდმივად ურიეთ ხის კოვზით.

თეფშებზე გადაანაწილეთ დაჭრილი მოხარშული კვერცხი, დაუმატეთ სუპი და გემრიელად მიირთვით!

Mushroom Soup