Category Archives: ზღვის პროდუქტები

თევზის კატლეტი ლიმონით და მწვანე ქინძით

ინგრედიენტები:

  • 600 გ თევზის ფილე
  • 1 ლიმონი
  • 100 გ მწვანე ქინძი
  • 1 თავი თეთრი ხახვი
  • 100 გ პარმეზანი
  • 1 კვერცხი
  • მარილი
  • შავი პილპილი
  • მზესუმზირას ზეთი
  • საფანელი

მომზადება: 

თევზი გაასუფთავეთ და მოხარშეთ მარილიან წყალში. ხახვი გაატარეთ ხორცსაკეპში. ყველი გახეხეთ, მწვანე ქინძი დაჭერით წვრილად.

როდესაც თევზი მოიხარშება, მოაშორეთ ფხები და კანი, დაკეპეთ ხის კოვზით. დაუმატეთ გახეხილი პარმეზანი, დაჭრილი ქინძი, გატარებული ხახვი, ცოტა მარილი, შავი პილპილი, ახლად გამოწურული ლიმონის წვენის ნახევარი და კარგად აურიეთ. მოამზადეთ კატლეტები და ამოავლეთ საფანელში (ან ფქვილში). შეწვით ზეთიან ტაფაზე ორივე მხრიდან 4-4 წუთით.

მზა კატლეტებს მოასხით დარჩენილი ლიმონის წვენი, გააფორმეთ მწვანე ქინძის ფოთლებით და გემრიელად მიირთვით!

🙂 🙂 🙂

1

თევზის კროკეტები

8

თევზის კროკეტის იდეა ბერძნული სამზარეულოდან იღებს სათავეს. ორიგინალს ფსაროკეფტედესი ეწოდება და ამ რეცეპტისაგან ცოტა განსხვავებულად მზადდება – ნამდვილი ფსაროკეფტედესის მოსამზადებლად ხმალთევზაა საჭირო.

მაგრამ ვინ გვიშლის ფსაროკეფტედესის იდეის საფუძვლად აღებას და რეცეპტის კორექტირებას?

ინგრედიენტები:

  • 700 გრამი თევზის ფილე;
  • 300 გრამი კარტოფილი;
  • 1 კვერცხი;
  • 60 გრამი კამა;
  • 100 გრამი ორცხობილა;
  • მარილი;
  • შავი პილპილი;
  • 4 ს.კ. მზესუმზირის ზეთი.

მომზადება:

კარტოფილი გათალეთ და დაჭერით, დაასხით ცივი წყალი, მარილი და ხარშეთ 15-20 წუთის განმავლობაში.

თევზის (მაგალითად, ხეკის) ფილე გარეცხეთ, დაჭერით, დაასხით ასევე ცივი წყალი, დაამატეთ მარილი და ხარშეთ 30 წუთის განმავლობაში.

კარტოფილი და თევზი გააცივეთ, შემდეგ გაატარეთ ხორცსაკეპ მანქანაში; კამა დაჭერით ძალიან წვრილად (შეიძლება კამის გარეშეც).

ფარშს დაამატეთ კამა, კვერცხი, შავი პილპილი და კარგად აურიეთ. გაამზადეთ პატარა ბურთულები, კარგად ამოავლეთ საფანელში ან სიმინდის ფქვილში.

ჩაასხით ღრმა ქვაბში ზეთი 2 სანტიმეტრზე, აადუღეთ და შებრაწეთ ბურთულები პორციულად (ჩვეულებრივ, 1-2 წუთზე მეტი არ სჭირდება).

კროკეტები ქაფქირით ამოალაგეთ ქაღალდის ხელსახოცზე, რათა ზედმეტი ცხიმი ჩამოიწუროს.

როდესაც შეგრილდება, ლამაზად დაალაგეთ სალათის ფურცლებზე და გემრიელად მიირთვით!