Category Archives: დესერტი და ნამცხვარი

ხაჭოს ფუნთუშა

a

ინგრედიენტები: 

  • 500 გ ხაჭო
  • 2 კვერცხი
  • 2 ს.კ. მანანის ბურღული
  • 100 გ კარაქი
  • 200 გ შაქარი
  • მწიკვი მარილი
  • ვანილი
  • 1 ჩ.კ. სოდა
  • ფქვილი (იმდენი, რომ ცომი ხელზე არ მოგეკროთ)

მომზადება:

ხაჭო, მანანის ბურღული, ცოტა მარილი, შაქარი, ვანილი დააბლენდერეთ ერთად და გააჩერეთ 30 წუთი. შემდეგ დაუმატეთ ქიშმიში, სოდა, ფქვილი და კარგად მოზილეთ – ცომი ხელს აღარ უნდა მიეკრას.

მოამზადეთ მრგვალი ფუნთუშები, დაალაგეთ ფქვილმოყრილ ცეცხლგამძლე ჭურჭლზე და გამოაცხვეთ 180 გრადუსამდე გახურებულ აირღუმელში.

ხაჭოს ფუნთუშას ძალიან უხდება შაქრის პუდრასთან ერთად ათქვეფილი არაჟანი.

ამავე წესით შეგიძლიათ მოამზადოთ ყველიანი ფუნთუშები. მხოლოდ 500 გრამი ხაჭოს ნაცვლად გამოიყენეთ 250 გ ხაჭო და 250 გ ყველი (კარგად გახეხილი). ცხადია, აღარ დაამატებთ შაქარს, ვანილსა და ქიშმიშს. არაჟანი ყველიან ვარიანტსაც ძალიან უხდება.

გემრიელად მიირთვით 🙂

ტორტი “პანჩო”

53

ინგრედიენტები:

  • 5 კვერცხი
  • 400 გ შაქარი
  • 0,5 ჩ.კ. სოდა
  • 1 ჩ.კ. გამაფხვიერებელი
  • 4 ს.კ. კაკაო
  • 0,5 კოვზი ლიმონის წვენი
  • 400 გ ფქვილი
  • 200 გ ნიგოზი
  • 700 გ არაჟანი
  • 50 გ შავი შოკოლადი

ბისკვიტის ცომი: კვერცხის ცილა და გული გააცალკევეთ. ცილა ათქვიფეთ მიქსერით (10 წუთის განმავლობაში). შემდეგ ნელ-ნელა შეათქვიფეთ  კაკაოში შერეული 200 გ შაქარი და ხუთივე კვერცხის გული.  ჩაამატეთ ლიმონის წვენში არეული სოდა. კიდევ თქვიფეთ მიქსერით დაახლოებით 5 წუთის განმავლობაში.

ბოლოს ჩაამატეთ გამაფხვიერებელი, ფქვილი და ფრთხილად მოურიეთ ხის კოვზით. 

გახურებულ ფორმაზე (20 სმ დიამეტრით) დააფინეთ პერგამენტი, წაუსვით კარაქი, ჩაასხით ცომი და გამოაცხვეთ 180 გრადუსამდე გახურებულ აირღუმელში.

მზა ბისკვიტი შეაგრილეთ და მოაჭერით 2 სანტიმეტრის სიმაღლის ფენა. დანარჩენი ბისკვიტი დაჭერით 3-4 სმ ნაჭრებად.

კაკალი მოხალეთ, გააცალეთ კანი და დაჭერით.

არაჟანი ათქვიფეთ 10 წუთის განმავლობაში – სანამ ფუმფულა, ჰაეროვან მასად არ გადაიქცევა. შეათქვიფეთ 200 გ შაქარი და გააგრძელეთ თქვეფა 5 წთ მაინც.

წაუსვით ბისკვიტის 2-სანტიმეტრიან ფენას არაჟნის კრემი. შემდეგ ბისკვიტის თითოეული ნაჭერი ამოავლეთ არაჟნის კრემში და დაალაგეთ საბაზო ბისკვიტზე ისე, რომ გორაკივით გამოვიდეს. დარჩენილი კრემი დაასხით “გორაკს”.

დაადნეთ შოკოლადი 10 გრამ კარაქთან ერთად ორთქლზე და ტორტს ფრთხილად მოსახით კოვზით.

გემრიელად მიირთვით!